New York Shooting: అగ్రరాజ్యం అమెరికాలో మరోసారి కాల్పుల మోత.. 10 మంది మృతి!

Published: Sun, 15 May 2022 08:24:00 ISTfb-iconwhatsapp-icontwitter-icon
New York Shooting: అగ్రరాజ్యం అమెరికాలో మరోసారి కాల్పుల మోత.. 10 మంది మృతి!

న్యూయార్క్‌: అగ్రరాజ్యం అమెరికాలో మరోసారి కాల్పులు కలకలం సృష్టించాయి. న్యూయార్క్‌లోని టాప్స్ ఫ్రెండ్లీ సూపర్‌ మార్కెట్‌లో గుర్తు తెలియని దుండగుడు కాల్పులకు తెగబడ్డాడు. ఈ ఘటనలో పది మంది అక్కడికక్కడే చనిపోయారు. మరో ముగ్గురు గాయపడ్డారు. 18 ఏళ్ల యువకుడు సైనికుడి వేషంలో తుపాకీతో సూపర్‌ మార్కెట్‌లోకి  ప్రవేశించి అక్కడున్న వారిపై విచక్షణారహితంగా కాల్పులకు తెగబడ్డాడు. ఈ కాల్పుల్లో 10 మంది అక్కడికక్కడే ప్రాణాలు కోల్పోగా.. ముగ్గురు గాయపడ్డారని సిటీ పోలీస్ అధికారి జోసెఫ్ గ్రామగ్లియా వెల్లడించారు. మృతుల్లో 8 మంది నల్లజాతీయులు, ఇద్దరు శ్వేతజాతీయులు ఉన్నట్లు పేర్కొన్నారు. నల్లజాతీయులు అధికంగా ఉన్న చోట ఘటన జరగడంతో జాతి విద్వేషమే కారణమని పోలీస్ అధికారులు భావిస్తున్నారు. కాగా, కాల్పులు జరిపిన యువకుడ్ని పోలీసులు అరెస్ట్ చేశారు. విచారణ కొనసాగుతోంది. ఈ ఘటనపై అధ్యక్షుడు జో బైడెన్‌ దిగ్భ్రాంతి వ్యక్తం చేశారు. మృతుల కుటుంబాలకు ప్రగాఢ సానుభూతి తెలియజేశారు.   

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తాజా వార్తలుLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.