గుజరాత్: సోషల్ మీడియాలో 10వ తరగతి పరీక్ష ప్రశ్నాపత్రం

Published: Sat, 09 Apr 2022 18:49:34 ISTfb-iconwhatsapp-icontwitter-icon
గుజరాత్: సోషల్ మీడియాలో 10వ తరగతి పరీక్ష ప్రశ్నాపత్రం

అహ్మదాబాద్: కొద్ది రోజుల క్రితం ఉత్తరప్రదేశ్‌లో 12వ తరగతి ఇంగ్లీషు పరీక్షా పత్రం లీక్ మరవకముందే గుజరాత్‌లో మరో ఘటన వెలుగు చూసింది. శనివారం ఒకవైపు విద్యార్థులు పదవ తరగతి హిందీ పరీక్ష రాస్తుండగా.. అదే ప్రశ్నాపత్రం సోషల్ మీడియాలో హల్‌చల్ చేస్తోంది. ఈసారి ప్రశ్నాపత్రమే కాకుండా అందులో కొన్నింటికి జవాబులు కూడా రాసి ఉండడం గమనార్హం. ప్రశ్నాపత్రం లీకేజీపై విచారణ జరిపించి చర్యలు తీసుకుంటామని గుజరాత్ విద్యాశాఖ తెలిపింది.


కాగా, ప్రశ్నాపత్రం లీక్‌ అంశాన్ని లేవనెత్తుతూ ప్రభుత్వంపై విపక్షాలు మండిపడుతున్నాయి. రాష్ట్రంలో పేపర్ లీకేజీ ఘటనలు తరుచూ జరుగుతున్నాయని, వీటన్నింటికీ బాధ్యత వహిస్తూ గుజరాత్ విద్యాశాఖ మంత్రి జితు వాఘని రాజీనామా చేయాలని కాంగ్రెస్ నేతలు డిమాండ్ చేస్తున్నారు. ‘‘ఇంతకు ముందు కేవలం ప్రవేశ పరీక్షలకు సంబంధించిన ప్రశ్నాపత్రాలు మాత్రమే లీకయ్యేవి. ఇప్పుడు 10 వ తరగతి బోర్డ్ పరీక్షాపత్రాలు కూడా అందులో చేరుతున్నాయి. ఇది పూర్తిగా ప్రభుత్వ తప్పిదమే’’ అని కాంగ్రెస్ నేతలు అన్నారు.

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

జాతీయం Latest News in Teluguమరిన్ని...

క్రీడాజ్యోతిLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.