అమెరికాలో మరోమారు కాల్పుల కలకలం.. 12 మందికి గాయాలు

Published: Sun, 17 Apr 2022 11:38:07 ISTfb-iconwhatsapp-icontwitter-icon
అమెరికాలో మరోమారు కాల్పుల కలకలం.. 12 మందికి గాయాలు

వాషింగ్టన్: న్యూయార్క్‌లోని బ్రూక్లిన్‌ స్ట్రీట్‌సబ్‌వేలో మంగళవారం జరిగిన ఘటనను మరువకముందే అగ్రరాజ్యంలో మరోసారి కాల్పులు కలకలం సృష్టించాయి. ఈసారి సౌత్ కరోలినాలోని కొలంబియాలో శనివారం కాల్పులు చోటు చేసుకున్నాయి. స్థానికంగా ఉండే ఓ షాపింగ్ మాల్‌లో జరిగిన ఈ కాల్పుల్లో 12 మంది గాయపడ్డారని కొలంబియా పోలీసులు వెల్లడించారు. వీరిలో ఇద్దరి పరిస్థితి విషమంగా ఉన్నట్లు సమాచారం. ఘటన అనంతరం ఆయుధాలు కలిగి ముగ్గురు నిందితులను కొలంబియా పోలీసులు అదుపులోకి తీసుకున్నారు.


ఆ ముగ్గురిని పోలీసులు విచారిస్తున్నారు. ఘటన సమయంలో మాల్‌లో భారీ సంఖ్యలో జనాలు ఉన్నారని, అందుకే పథకం ప్రకారం దుండగులు కాల్పులు జరిపి ఉంటారని పోలీసులు అనుమానిస్తున్నారు. ఇక న్యూయార్క్‌ నగరంలోని బ్రూక్లిన్‌ ప్రాంతంలోని స్ట్రీట్‌సబ్‌వేలో మంగళవారం కాల్పులు చోటుచేసుకున్న విషయం తెలిసిందే. ఈ ఘటనలో 16 మంది గాయపడ్డారు. దుండగుడు తొలుత పొగబాంబులు వేసి.. కాల్పులకు పాల్పడ్డాడు. రెండు రోజుల తర్వాత ఈ ఘటనలో నిందితుడైన 62 ఏళ్ల ఫ్రాంక్ ఆర్ జేమ్స్‌ను న్యూయార్క్, ఫెడరల్ లా ఎన్‌ఫోర్స్‌మెంట్ అధికారులు అరెస్ట్ చేశారు. 

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తాజా వార్తలుLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.