15 ఏళ్ల బాలిక.. 40 ఏళ్ల అంకుల్‌ను కత్తితో పొడిచి చంపేసింది.. అసలు కారణమేంటో తెలిసి నివ్వెరపోయిన పోలీసులు..!

Published: Wed, 08 Jun 2022 13:51:52 ISTfb-iconwhatsapp-icontwitter-icon
15 ఏళ్ల బాలిక.. 40 ఏళ్ల అంకుల్‌ను కత్తితో పొడిచి చంపేసింది.. అసలు కారణమేంటో తెలిసి నివ్వెరపోయిన పోలీసులు..!

ఆ బాలిక వయసు 15 ఏళ్లు.. తన తల్లిదండ్రులతో కలిసి నివసిస్తోంది.. పక్కింట్లో ఆమె మేనమామ కుటుంబం ఉండేది.. ఆ పదిహేనేళ్ల బాలికతో మేనమామ అసభ్యంగా ప్రవర్తించేవాడు.. అసభ్యకర కామెంట్లు చేసేవాడు.. ఈ విషయమై ఇరు కుటుంబాల మధ్య వారం రోజుల క్రితం గొడవ జరిగింది.. అయినా ఆ మేనమామ తీరు మారలేదు.. తన సోదరి కూతురిని వేధించడం ఆపలేదు.. సోమవారం రాత్రి కూడా ఆ బాలికతో మేనమామ అసభ్యంగా ప్రవర్తించాడు.. తీవ్ర ఆగ్రహానికి గురైన బాలిక కత్తితో మేనమామను పొడిచి చంపేసింది. 


ఇది కూడా చదవండి..

వయసు మీద పడుతున్నా పెళ్లి చేసుకోనివ్వడం లేదని తల్లిపై కోపం.. చివరకు ఆ ఇద్దరు అన్నాదమ్ముళ్లు కలిసి..

మధ్యప్రదేశ్‌లోని భోపాల్‌లో టీటీ నగర్ కాలనీలో నివసిస్తున్న 40 ఏళ్ల రామ్‌నాథ్ అనే వ్యక్తి తన పక్కింట్లో ఉండే సోదరి కూతురిని కొన్ని రోజులుగా వేధిస్తున్నాడు. ఆ బాలిక కనిపిస్తే ఆమెపై వెకిలి వ్యాఖ్యలు చేస్తున్నాడు. మేనమామ ప్రవర్తన గురించి ఆ బాలిక తన తల్లిదండ్రులకు చెప్పింది. దాంతో వారిద్దరూ రామ్‌నాథ్‌తో వారం రోజుల క్రితం గొడవపడ్డారు. అయినా రామ్‌నాథ్ ప్రవర్తనలో మార్పు రాలేదు. సోమవారం రాత్రి కూడా ఆ బాలికను అసభ్యంగా కామెంట్ చేశాడు. దీంతో ఆ బాలిక తన తల్లిదండ్రులను పిలిచి చెప్పింది. 


ఆ బాలిక తల్లిదండ్రులు రామ్‌నాథ్‌తో గొడవకు దిగారు. అతడిని కొట్టారు. ఆ సమయంలో బాలిక ఇంట్లో నుంచి కత్తి తీసుకువచ్చి మేనమామను పొడిచేసింది. నివ్వెరపోయిన స్థానికులు రామ్‌నాథ్‌ను వెంటనే ఆస్పత్రికి తరలించారు. తీవ్ర రక్తస్రావం కావడంతో రామ్‌నాథ్ మరణించాడు. కుటుంబ సభ్యుల ఫిర్యాదు మేరకు కేసు నమోదు చేసుకున్న పోలీసులు ఆ బాలికను, ఆమె తలిదండ్రులను అరెస్ట్ చేశారు.  

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.