అటవీశాఖలో మహిళలకు 33% ఉద్యోగాలు
ABN , First Publish Date - 2021-03-09T08:44:09+05:30 IST
అటవీశాఖలో మహిళలకు 33ు ఉద్యోగాలు కల్పించాలని, ఆ దిశగా రాష్ట్రప్రభుత్వాలు చొరవ తీసుకోవాలని కేంద్ర మంత్రి ప్రకాశ్‌ జావడేకర్‌ సూచించారు.
కేంద్ర మంత్రి ప్రకాశ్‌ జావడేకర్‌
హైదరాబాద్‌, మార్చి 8(ఆంధ్రజ్యోతి): అటవీశాఖలో మహిళలకు 33ు ఉద్యోగాలు కల్పించాలని, ఆ దిశగా రాష్ట్రప్రభుత్వాలు చొరవ తీసుకోవాలని కేంద్ర మంత్రి ప్రకాశ్‌ జావడేకర్‌ సూచించారు. మిగతా రంగాల మాదిరిగానే క్షేత్ర స్థాయిలో అడవుల్లో పనిచేేసందుకు మహిళలు ముందుకురావడం ఆహ్వనించదగిన పరిణామమని అన్నారు. అంతర్జాతీయ మహిళా దినోత్సవం సందర్భంగా మహిళా ఐఎ్‌ఫఎస్‌ అధికారుల వివరాలతో కూడిన ‘గ్రీన్‌ క్వీన్స్‌ ఆఫ్‌ ఇండియా-నేషన్స్‌ ప్రైడ్‌’ అనే పుస్తకాన్ని ఆన్‌లైన్‌ ద్వారా ఢిల్లీలో ఆయన ఆవిష్కరించారు. తెలంగాణ అటవీశాఖలో దాదాపు 30ు మంది మహిళలు పనిచేస్తున్నారనే విషయాన్ని కేంద్ర మంత్రి దృష్టికి పీసీసీఎఫ్‌ ఆర్‌.శోభ తీసుకెళ్లారు. దీంతో తెలంగాణ అటవీశాఖను ఆయన అభినందించారు. కాగా, జీవవైవిధ్య పరిరక్షణలో మహిళలే కీలకపాత్ర పోషిస్తున్నారని శోభ అన్నారు. మహిళలు అడవుల్లో ఉద్యోగం చేయడం తెలికైన పనికాదని ఆమె చెప్పారు. జాతీయ జీవవైవిధ్య మండలి చైర్మన్‌ వీబీ మాథూర్‌ అధ్యక్షతన ఆన్‌లైన్‌లో సోమవారం జరిగిన సమావేశంలో శోభ పాల్గొని మాట్లాడారు.
