కుక్కల దాడిలో మృతి చెందిన గొర్రె పిల్లలు

Published: Fri, 21 Jan 2022 22:09:49 ISTfb-iconwhatsapp-icontwitter-icon
కుక్కల దాడిలో మృతి చెందిన గొర్రె పిల్లలుకుక్కల దాడిలో మృతి చెందిన గొర్రె పిల్లలు

కుక్కల దాడిలో 40 గొర్రె పిల్లల మృతి

ఉదయగిరి రూరల్‌, జనవరి 21: మండలంలోని అప్పసముద్రం పంచాయతీ మసీదుపల్లి గ్రామంలో కుక్కల దాడిలో 40 గొర్రె పిల్లలు మృతి చెందగా మరో 10 పిల్లలు తీవ్రంగా గాయపడిన ఘటన శుక్రవారం వెలుగు చూసింది. బాఽధితుడు పఠాన్‌ ఖాదర్‌ఖాన్‌ కథనం మేరకు.. 3, 4 నెలల వయసు గల పిల్లలను గురువారం ఇంటి పక్కనే ఉన్న దొడ్డిలో తోలి గొర్రెలను గ్రామ సమీపంలోని అటవీ ప్రాంతానికి మేతకు తోలుకెళ్లారు. తిరిగి సాయంత్రం వచ్చేసరికి దొడ్లో ఉన్న 50 పిల్లలపై కుక్కలు విచక్షణారహితంగా దాడి చేశాయి. ఈ దాడిలో 40 పిల్లలు మృతి చెందగా 10 పిల్లలు తీవ్రంగా గాయపడ్డాయి. జీవాలే జీవనాధారంగా జీవించే తమకు కుక్కల దాడిలో పిల్లలు మృత్యువాతపడడంతో తీవ్రంగా నష్టపోయామని బాధితుడు ఆవేదన వ్యక్తం చేశారు. ఈ విషయాన్ని పశు వైద్యాధికారి దృష్టికి తీసుకెళ్లినట్లు తెలిపారు. ప్రభుత్వం స్పందించి తమను ఆదుకోవాలని యజమాని వేడుకొంటున్నాడు. 


Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.