నాలుగో రోజు.. కత్తి దూసిన కోళ్లు

ABN , First Publish Date - 2022-01-18T05:42:47+05:30 IST

సంక్రాంతి అంటే ఆ సరదాయే వేరు. పల్లెల్లో జోరుగా కోడి పందేలు, డైమండ్‌ డబ్బా, పేకాట వంటి వాటికి పెట్టింది పేరు. గతంలో మండలానికో ప్రాంతంలో వీటిని నిర్వహించేవారు.

నాలుగో రోజు.. కత్తి దూసిన కోళ్లు
చాటపర్రులో కోడి పందేలు

చాటపర్రులో జోరుగా పందేలు 

 పట్టించుకోని పోలీసులు 

ఏలూరు రూరల్‌/దెందులూరు, జనవరి 17 : సంక్రాంతి అంటే ఆ సరదాయే వేరు. పల్లెల్లో జోరుగా కోడి పందేలు, డైమండ్‌ డబ్బా, పేకాట వంటి వాటికి పెట్టింది పేరు. గతంలో మండలానికో ప్రాంతంలో వీటిని నిర్వహించేవారు. ఈ ఏడాది గ్రామంలో సైతం బరులు ఏర్పాటు చేసి పందేలు నిర్వహించారు. ఏలూరు రూరల్‌ మండలంలోని చాలా గ్రామాల్లో జూదం యథేచ్ఛగా జరిగింది. చాటపర్రు గ్రామంలో సంక్రాంతి నాలుగోరోజు సోమవారం కోడి పందేలు జోరుగా సాగాయి. అధిక సంఖ్యలో పందెం రాయుళ్లు పాల్గొన్నారు. మూడు రోజులుగా పందేలు జోరుగా జరిగినా నాలుగో రోజు గుట్టుచప్పుడు కాకుండా నిర్వాహకులు పందేలు నిర్వహించి జేబులు నింపుకున్నారు. ఎట్టకేలకు సోమ వారం మధ్యాహ్నం పోలీసులకు సమాచారం తెలిసినా చాటపర్రు పందెం బరికి వచ్చి పందెం రాయుళ్లను బెదరగొట్టారు. మధ్యాహ్నం నుంచి మళ్లీ అధికార పార్టీ నాయకుల అండదండలతో కోడిపందెం నిర్వహిస్తున్నా పోలీసులు పట్టించుకోలేదు. పోలీసులపై ఆరోపణలు వెల్లువెత్తుతున్నాయి. 

Updated Date - 2022-01-18T05:42:47+05:30 IST