కరోనా సోకిన వారి కోసం.. ఎనిమిదేళ్ల బాలిక.. అమెరికాలో..

కొలంబియా: ప్రపంచాన్ని కరోనా మహమ్మారి ఏ విధంగా వణికిస్తోందో కొత్తగా చెప్పనవసరం లేదు. అయితే ఇదే సమయంలో కరోనా బారిన పడిన వారికి అనేక మంది సహాయం అందిస్తూ వస్తున్నారు. అమెరికాలో ఏడేళ్ల బాలిక తన పుట్టినరోజు సందర్భంగా ఎటువంటి వేడుకలు జరుపుకోకుండా డబ్బులు పోగుచేసి కరోనా సోకిన వారికి వివిధ రకాలుగా సహాయం అందిస్తోంది. సౌత్ కెరోలినాలోని కొలంబియాకు చెందిన బాలిక రెండేళ్ల క్రితం తన పుట్టినరోజుకు కొద్ది రోజుల ముందే తన తండ్రిని కోల్పోయింది. పుట్టినరోజుకు కొద్ది రోజుల ముందే కేన్సర్‌తో తన తండ్రి మరణించాడని.. అందుకనే ప్రతి ఏడాది తన పుట్టినరోజు సందర్భంగా కేన్సర్ పేషంట్లకు తనకు తోచిన విధంగా సహాయం అందిస్తున్నాని బాలిక చెప్పింది. ఈ ఏడాది కరోనా మహమ్మారి ప్రజలను ఇబ్బందులకు గురిచేయడంతో.. ఈ సారి కరోనా బాధితులకు సహాయం చేయాలని నిర్ణయించుకున్నట్టు చెప్పింది. మరోపక్క బాలిక తల్లి జాయిస్ మాట్లాడుతూ.. కరోనా బారిన పడిన వారు ఆందోళనకు గురికావొద్దని.. ప్రపంచవ్యాప్తంగా అనేక మంది కరోనాను జయిస్తున్నారని చెప్పింది.