రైల్వే గడ్డర్ను ఢీకొన్న కంటైనర్ లారీ
ABN , First Publish Date - 2022-07-07T06:31:09+05:30 IST
విజయరామరాజుపేట రైల్వే అండర్బ్రిడ్జి వద్ద బుధవారం సాయంత్రం త్రుటిలో పెద్ద ప్రమాదం తప్పింది.
కుప్పకూలిన భారీ ఇనుప పరికరం
త్రుటిలో తప్పిన ప్రాణాపాయం
అనకాపల్లిటౌన్, జూలై 6: విజయరామరాజుపేట రైల్వే అండర్బ్రిడ్జి వద్ద బుధవారం సాయంత్రం త్రుటిలో పెద్ద ప్రమాదం తప్పింది. మాడుగుల నుంచి అనకాపల్లి వస్తున్న కంటైనర్ లారీ అండర్బ్రిడ్జి వద్ద గడ్డర్ను బలంగా ఢీకొంది. దీంతో గడ్డర్ మొత్తం నేలకొరిగింది. అయితే ఈ సమయంలో ఎవరూ రాకపోవడంతో ప్రాణనష్టం తప్పింది. ఈ సంఘటన కారణంగా కొద్దిసేపు ట్రాఫిక్ స్తంభించింది. ట్రాఫిక్ పోలీసులు వాహనాలను లక్ష్మీదేవిపేట రైల్వేగేటు మీదుగా మళ్లించారు. క్రేన్ను రప్పించి గడ్డర్ను పక్కకు తొలగించారు.