Viral Video: వ్యక్తిపై దాడి చేసిన కంగారూ.. పరుగెత్తుకుని మరీ వచ్చి ఒక్క తన్ను తన్నడంతో అతడు..

Published: Fri, 25 Feb 2022 16:23:14 ISTfb-iconwhatsapp-icontwitter-icon
Viral Video: వ్యక్తిపై దాడి చేసిన కంగారూ.. పరుగెత్తుకుని మరీ వచ్చి ఒక్క తన్ను తన్నడంతో అతడు..

ఇంటర్నెట్ డెస్క్: కంగారూ పరిగెత్తుకుంటూ వచ్చి ఓ వ్యక్తిని ఒక్క తన్ను తన్నిన ఘటనకు సంబంధించిన వీడియో ప్రస్తుతం సోషల్ మీడియాలో తెగ వైరల్ అవుతోంది. ఆ దృశ్యాలు చూసిన నెటిజన్లు ఫన్నీగా కామెంట్లు చేస్తున్నారు. ఇంతకూ ఆ వ్యక్తి  కాంగారూ దగ్గరికి ఎందుకు వెళ్లాడు? అది అతడిపై ఎందుకు దాడి చేసిందనే పూర్తి వివరాల్లోకి వెళితే.. 


వీకెండ్ ఎంజాయ్ చేసేందుకు కాబోలు ఓ వ్యక్తి తన కుటుంబంతో కలిసి సరదాగా బయటికెళ్లాడు. స్థానికంగా ఉన్న ఫారెస్ట్‌లో తన కుక్కపిల్లలతో సహా తిరుగుతుండగా అతడికి కంగారూ ఎదురు పడింది. ఈ క్రమంలోనే అపాయం అని భావిస్తే తమ రక్షణ కోసం కంగారూలు ఇతరులపై దాడి చేస్తాయనే విషయం అతడికి గుర్తొచ్చింది. వెంటనే తన పెంపుడు కుక్కలతో సహా అక్కడ నుంచి వెళ్లిపోవాలని నిర్ణయించుకున్నాడు. అయితే అప్పటికే ఆ కంగారూ అతడిని సమీపించింది. ఈ నేపథ్యంలో కంగారూ బారి నుంచి తన పెంపుడు కుక్కలను రక్షించేందుకు సదరు వ్యక్తి ప్రయత్నించాడు. సరిగ్గా ఇదే సమయంలో పరిగెత్తుకుంటూ వచ్చిన కంగారూ.. ఆ వ్యక్తిపై దాడి చేసింది. ఒక్క తన్ను తన్ని అతడిని కింద పడేసింది. ఆ తర్వాత ఏం జరిగిందనే వివరాలు లేనప్పటికీ.. ఈ దృశ్యాలను కొందరు వీడియో తీసి సోషల్ మీడియాలో పోస్ట్ చేశారు. దీంతో ఆ వీడియో కాస్తా నెట్టింట చక్కర్లు కొడుతోంది.




Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.