Advertisement

రక్తంలో ఆక్సిజన్‌ స్థాయిని తెలిపే వాచ్‌

Sep 16 2020 @ 00:53AM

6 సిరీస్‌ స్మార్ట్‌వాచ్‌ను ఆవిష్కరించిన యాపిల్‌ 


కాలిఫోర్నియా: అమెరికా టెక్నాలజీ దిగ్గజం యాపిల్‌.. తన స్మార్ట్‌వాచ్‌లో 6 సిరీ్‌సను ఆవిష్కరించింది. రక్తంలో ప్రాణవాయువు (ఆక్సిజన్‌) స్థాయెంతో చెప్పగలగడం ఈ వాచ్‌ ప్రత్యేకతని యాపిల్‌ వెల్లడించింది. సాధారణంగా ఇందుకు పల్స్‌ ఆక్సిమీటర్‌ అవసరం అవుతుంది. కరోనా వ్యాప్తి కాలంలో ప్రజలకు రక్తంలో ఆక్సిజన్‌ స్థాయి తగ్గకుండా చూసుకోవడం కీలకంగా మారింది.


ఈ నేపథ్యంలో ఆక్సిమీటర్‌ అవసరం లేకుండానే రక్తంలో ఆక్సిజన్‌ స్థాయిని ఎప్పటికప్పుడు చెక్‌ చేసుకునేందుకు వీలుగా యాపిల్‌ కొత్త స్మార్‌వాచ్‌ను అందుబాటులోకి తేవడం గమనార్హం. ఏడు రంగుల్లో లభించే ఈ వాచ్‌ ప్రారంభ ధర 399 డాలర్లు. 6 సిరీస్‌ వాచ్‌తో పాటు యాపిల్‌ వాచ్‌ ఎస్‌ఈని సైతం విడుదల చేసింది. ఫ్యామిలీ సెటప్‌, ఫాల్‌ డిటెక్షన్‌ వంటి ఫీచర్లతో కూడిన దీని ధర 279 డాలర్లు. 


Follow Us on:
Advertisement
Advertisement
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.