నువ్వుల సద్ది

కావలసిన పదార్థాలు: బియ్యం - 1 గ్లాసు, నువ్వులు - అరకప్పు, ఎండుమిర్చి - 4, పచ్చిమిర్చి - 2, కరివేపాకు - 4 రెబ్బలు, పల్లీలు - 2 టేబుల్‌ స్పూన్లు, శనగపప్పు, ఆవాలు, జీలకర్ర, నూనె, పసుపు - తిరగమోతకి సరిపడా, ఉప్పు - రుచికి తగినంత.
తయారుచేసే విధానం : బియ్యం కడిగి పొడిగా అన్నం వండి ఆరబెట్టాలి. ఎండుమిర్చి, నువ్వులు విడివిడిగా వేగించి, చల్లారిన తర్వాత ఉప్పుతో పాటు కలిపి దంచుకోవాలి. కడాయిలో నూనె వేసి శనగపప్పు, ఆవాలు, జీలకర్ర, వేరుశనగపప్పు, పసుపు, కరివేపాకు, పచ్చిమిర్చి తాలింపు వెయ్యాలి. చల్లారిన తర్వాత అన్నంలో నువ్వుల పొడితో పాటు వేసి బాగా కలపాలి. బతుకమ్మ పండుగలో గౌరమ్మకు పెట్టే నైవేద్యాల్లో ముఖ్యమైన వంటకం ఇదే.