కోకోనట్‌ బర్ఫీ
ABN , First Publish Date - 2019-08-10T20:40:40+05:30 IST
కొబ్బరి తురుము - రెండు కప్పులు, పంచదార - ఒకకప్పు, పాలు - ముప్పావు కప్పు, కుంకుమ పువ్వు రేకులు
కావలసినవి
కొబ్బరి తురుము - రెండు కప్పులు, పంచదార - ఒకకప్పు, పాలు - ముప్పావు కప్పు, కుంకుమ పువ్వు రేకులు - కొన్ని, కోవా - పావు కప్పు, యాలకుల పొడి - అర టీస్పూన్‌, బాదం, జీడిపప్పు - నాలుగైదు పలుకులు.
తయారీవిధానం
ఒక వెడల్పాటి పాన్‌ తీసుకుని నెయ్యి రాసి పక్కన పెట్టాలి. ఒక చిన్న పాత్రలో రెండు టేబుల్‌స్పూన్ల పాలు తీసుకుని అందులో కుంకుమ పువ్వు రేకులు వేసి ఓవెన్‌లో కొన్ని సెకన్లపాటు వేడి చేయాలి. తరువాత చేత్తో రేకులు నలిపితే పసుపు రంగు వస్తుంది. ఇప్పుడు ఈ పాత్రను పక్కన పెట్టుకోవాలి. ఒక పాన్‌లో కొబ్బరి తురుము, పంచదార, పాలు వేసి బాగా కలియబెట్టాలి. చిన్న మంటపై వేగించాలి. పాలు పూర్తిగా ఆవిరైపోయే వరకు వేగించాలి. తరువాత కుంకుమపువ్వు మిశ్రమం వేయాలి. అలాగే యాలకులపొడి, కోవా వేసి కలియబెట్టుకోవాలి. మరో పదినిమిషాల పాటు వేగించాలి.
ఈ మిశ్రమాన్ని నెయ్యి పూసి పెట్టుకున్న పాన్‌లో పోయాలి. బాదం, జీడిపప్పుతో గార్నిష్‌ చేసుకోవాలి. సమానంగా వచ్చేలా, ముక్కలుగా కట్‌ చేసుకుంటే నోరూరించే కోకోనట్‌ బర్ఫీ రెడీ.
Updated Date - 2019-08-10T20:40:40+05:30 IST
