Panchkula : రిటైర్డ్ ఐటీ కమిషనర్‌కు కత్తిపోట్లు... సీనియర్ సిటిజన్లలో ఆందోళన...

Published: Sat, 28 May 2022 16:01:50 ISTfb-iconwhatsapp-icontwitter-icon
Panchkula : రిటైర్డ్ ఐటీ కమిషనర్‌కు కత్తిపోట్లు... సీనియర్ సిటిజన్లలో ఆందోళన...

పంచకుల : హర్యానాలోని పంచకుల సెక్టర్-7లో నివసిస్తున్న రిటైర్డ్ ఇన్‌కమ్ ట్యాక్స్ కమిషనర్ అమర్ ప్రతాప్ కకరియా (Amar Partap Kakaria) (77) ఇంట్లోకి ఓ వ్యక్తి శుక్రవారం మధ్యాహ్నం చొరబడి, ఆయనను కత్తితో పొడిచాడు. ఈ సంఘటన ఈ ప్రాంతంలోని సీనియర్ సిటిజన్ల భద్రతపై ఆందోళనకు దారి తీసింది. 


పంచకుల పోలీసులు తెలిపిన వివరాల ప్రకారం,  అమర్ ప్రతాప్ కకరియా ఇంట్లోకి ఓ గుర్తు తెలియని వ్యక్తి చొరబడి, ఆయన మెడపై మూడుసార్లు కత్తితో పొడిచాడు. తీవ్రంగా గాయపడిన ఆయనను ఆసుపత్రికి తరలించి, ఇంటెన్సివ్ కేర్ యూనిట్ (ICU)లో చికిత్స చేయిస్తున్నారు. అయితే ఆయనపై దాడికి పాల్పడిన వ్యక్తిని ఆ ప్రాంతంలో ఏర్పాటు చేసిన సీసీటీవీ కెమెరాలు చిత్రీకరించాయి. నిందితుడు తన ముఖాన్ని రుమాలుతో కప్పుకుని ఉన్నట్లు కనిపించింది. నిందితుడు ఆ కత్తిని నేర స్థలంలోనే వదిలేశాడు. కుటుంబ సభ్యులు, సేవకుల వాంగ్మూలాలను పోలీసులు నమోదు చేసుకున్నారు. కత్తి ముక్కలను సేకరించారు. 


ఈ సంఘటన జరిగిన సమయంలో కకరియా కోడలు శిల్ప, మనుమడు సమర్థ్ మాత్రమే ఇంట్లో ఉన్నారు. ఆయన కుమారుడు విక్రాంత్ ఈ సంఘటన జరగడానికి కొద్ది నిమిషాల ముందు బయటకు వెళ్ళారు. విక్రాంత్ ఆదాయపు పన్ను న్యాయవాదిగా పని చేస్తున్నారు. 


విక్రాంత్ మాట్లాడుతూ, తాను మధ్యాహ్నం 2.50 గంటల ప్రాంతంలో ఇంటి నుంచి బయటకు వెళ్ళానని, దాదాపు 3 గంటల ప్రాంతంలో ఓ దుండగుడు తమ ఇంట్లో ప్రవేశించాడని చెప్పారు. తన తండ్రి సహాయం కోసం కేకలు వేశారని, తన భార్యను, కుమారుడిని పిలిచారని చెప్పారు. అప్పటికే ఆ వ్యక్తి తన తండ్రిని పొడిచేశాడన్నారు. తన తండ్రి బలంగా అతనిని నిరోధించడంతో ఆ కత్తి మూడు ముక్కలైపోయిందన్నారు. తాను తిరిగి వచ్చి చూసేసరికి తన తండ్రి రక్తపు మడుగులో ఉన్నారన్నారు. తాను ఆయనను ఓ ప్రైవేటు ఆసుపత్రికి తీసుకెళ్ళానని, తదుపరి 48 గంటలు చాలా కీలకమైనవని చెప్పారని తెలిపారు. 


Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

జాతీయంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.