AP: నేడు, రేపు కోస్తాంధ్రలో విస్తారంగా వర్షాలు

Jul 22 2021 @ 13:16PM

అమరావతి: ఐఎండి సూచనల ప్రకారం వాయువ్య బంగాళాఖాతంలో అల్పపీడనం ఏర్పడిందని ఆంధ్రప్రదేశ్ రాష్ట్ర విపత్తుల  నిర్వహణ శాఖ కమిషనర్  కె. కన్నబాబు తెలిపారు. దీని ప్రభావంతో కోస్తాంధ్రలో ఈ రోజు విస్తారంగా వర్షాలతో పాటు, అక్కడక్కడా భారీ వర్షాలు కురుస్తాయని తెలిపారు. రాయలసీమలో అక్కడక్కడ మోస్తారు నుంచి భారీవర్షాలు కురుస్తాయని చెప్పారు. కోస్తాంధ్రలో రేపు అక్కడక్కడ భారీ వర్షాలు,  మిగిలినచోట్ల  తేలికపాటి నుంచి మోస్తారు వర్షాలు పడనున్నట్లు తెలిపారు. తీరం వెంబడి గంటకు 50-60 కిలోమీటర్ల వేగంతో గాలులు వీస్తాయని, సముద్రం అలజడిగా ఉంటుందని అన్నారు. ఈ క్రమంలో మత్స్యకారులు శనివారం వరకు సముద్రంలోకి వేటకు వెళ్లద్దని సూచించారు. అలాగే లోతట్టు ప్రాంత ప్రజలు అప్రమత్తంగా ఉండాలని కన్నబాబు హెచ్చరించారు. 

Follow Us on:
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.