దుల్హన్‌ పథకంపై చేతులెత్తేసిన AP government

అమరావతి : దుల్హన్‌ పథకం(Dulhan Scheme)పై ఏపీ ప్రభుత్వం(AP Government) చేతులెత్తేసింది. దుల్హన్‌ పథకాన్ని నిలిపివేస్తున్నట్లు హైకోర్టు(High Court)కు ఏపీ ప్రభుత్వం వెల్లడించింది. ఆర్థిక ఇబ్బందులతో పథకం నిలిపివేశామని తెలిపింది. ముస్లిం యువతుల వివాహానికి అప్పట్లో టీడీపీ ప్రభుత్వం రూ.50 వేలు ఇచ్చేది. ఆ ఆర్థిక సాయాన్ని రూ.లక్షకు పెంచుతామని గత ఎన్నికల్లో జగన్ హామీ ఇచ్చారు. జగన్‌ ప్రభుత్వం హామీ విస్మరించిందని హైకోర్టులో పిటిషన్‌ దాఖలైంది. మైనార్టీ హక్కుల పరిరక్షణ సమితి నేత షిబ్లి ఈ పిటిషన్‌‌ను దాఖలు చేశారు. వైసీపీ ప్రభుత్వం స్కీమ్‌ అమలు చేయడం లేదని పిటిషన్‌లో పేర్కొన్నారు. పథకం అమలుకు డబ్బులు లేవని ప్రభుత్వ లాయర్ కోర్టుకు తెలిపారు. అఫిడవిట్లపై రిప్లై దాఖలు చేయాలని పిటిషనర్‌ తరుఫు న్యాయవాదికి కోర్టు ఆదేశాలు జారీ చేసింది.