ఆస్ట్రేలియన్ ఓపెన్లో ఆష్లే బార్టీ సంచలనం.. 44 ఏళ్ల ఆస్ట్రేలియా నిరీక్షణకు తెర
ABN , First Publish Date - 2022-01-29T22:17:16+05:30 IST
ఆస్ట్రేలియన్ ఓపెన్లో సంచలనం నమోదైంది. నేడు జరిగిన ఆస్ట్రేలియన్ ఓపెన్ మహిళల సింగిల్స్ ఫైనల్లో
మెల్బోర్న్: ఆస్ట్రేలియన్ ఓపెన్లో సంచలనం నమోదైంది. నేడు జరిగిన మహిళల సింగిల్స్ ఫైనల్లో ప్రపంచ నంబర్ వన్ ఆష్లే బార్టీ.. అమెరికాకు చెందిన 27వ సీడ్ డానియెల్ కొలిన్స్ను 6-3, 7-6(2)తో ఓడించి తొలి ఆస్ట్రేలియన్ ఓపెన్ టైటిల్ను ఎగరేసుకుపోయింది.
మెల్బోర్న్ పార్క్ టైటిల్ కోసం కళ్లు కాయలు కాచేలా ఎదురుచూస్తున్నఆస్ట్రేలియా 44 ఏళ్ల నిరీక్షణకు ఈ విజయంతో తెరపడింది. 1978లో క్రిస్ ఓనీల్ తర్వాత మెల్బోర్న్ పార్క్ టైటిల్ అందుకున్న తొలి ఆస్ట్రేలియా క్రీడాకారిణిగా ఆష్లే బార్టీ సరికొత్త చరిత్ర సృష్టించింది. 2019లో ఫ్రెంచ్ ఓపెన్, 2021లో వింబుల్డన్ గెలుచుకున్న బార్టీకి ఇది మూడో గ్రాండ్స్లామ్ టైటిల్.