5-11ఏళ్ల పిల్లలకు కొవిడ్ టీకా.. ఖతార్ కీలక నిర్ణయం!
ABN , First Publish Date - 2022-01-31T17:26:20+05:30 IST
దక్షిణాఫ్రికాలో వెలుగులోకి వచ్చిన కరోనా కొత్త వేరియంట్ ఒమైక్రాన్.. ప్రపంచ వ్యాప్తంగా విజృంభిస్తోంది. అగ్రరాజ్యం అమెరికా సహా ఇతర దేశాల్లోనూ ప్రజలు కొవిడ్ బారినపడుతున్నారు. ఖతార్లో సైతం కొవిడ్ కేసులు
ఎన్నారై డెస్క్: దక్షిణాఫ్రికాలో వెలుగులోకి వచ్చిన కరోనా కొత్త వేరియంట్ ఒమైక్రాన్.. ప్రపంచ వ్యాప్తంగా విజృంభిస్తోంది. అగ్రరాజ్యం అమెరికా సహా ఇతర దేశాల్లోనూ ప్రజలు కొవిడ్ బారినపడుతున్నారు. ఖతార్లో సైతం కొవిడ్ కేసులు విపరీతంగా నమోదవుతున్నాయి. ఈ నేపథ్యంలో చిన్నపిల్లల కొవిడ్ టీకాపై ఖతార్ ముందడుగు వేసింది. 5-11ఏళ్ల వయసు పిల్లల కోసం ఫైజర్ రూపొందించిన కరోనా వ్యాక్సిన్కు ఆదివారం గ్రీన్ సిగ్నల్ ఇచ్చింది. అత్యవసర వినియోగం కోసం ఫైజర్ టీకాకు ఆమోదం తెలిపినట్టు ఓ ప్రకటనలో వెల్లడించింది. కాగా.. బహ్రెయిన్, సౌదీ అరేబియాలు గత ఏడాది నవంబర్లో ఫైజర్ టీకాకు ఆమోదం తెలిపిన విషయం తెలిసిందే. ఇదిలా ఉంటే.. జాన్స్ హాప్కిన్క్ యూనివర్సిటీ తెలిపిన వివరాల ప్రకారం ఖతార్లో కరోనా బారినపడిన వారి సంఖ్య 3.36లక్షలకు చేరింది.