గంట మోగిస్తున్న వాతావరణం.. మనకు వినపడటం లేదంతే..

ABN , First Publish Date - 2020-07-12T00:02:48+05:30 IST

భూ వాతావరణం భారీ గంట మోగినట్లు శబ్దం చేస్తోందట. ఈ శబ్దం భూమి మొత్తం వినపడుతున్నట్లు...

గంట మోగిస్తున్న వాతావరణం.. మనకు వినపడటం లేదంతే..

హోనోలులు: భూ వాతావరణం భారీ గంట మోగినట్లు శబ్దం చేస్తోందట. ఈ శబ్దం భూమి మొత్తం వినపడుతున్నట్లు శాస్త్రవేత్తలు చెబుతున్నారు. ఈ మేరకు హవాయి యూనివర్సిటీ, క్యోటో యూనివర్సిటీలకు చెందిన పరిశోధకులు వెల్లడించారు. భూమిపై ఉన్న మొత్తం వాతావరణం భారీ శబ్దం చేస్తోందని, కానీ ఆ శబ్దం తీవ్రత అత్యంత ఎక్కువగా ఉండడం వల్ల జీవరాశికి వినపడడం లేదని చెప్పారు. దాదాపు రెండు శతాబ్దాలుగా దీనికి సంబంధించి అనేక థియరీలు వెలుగులోకి వచ్చాయని, అయితే వాటిపై తాము మరింత పరిశోధనలు చేసి ఈ విషయాన్ని కనుగొన్నట్లు వెల్లడించారు. ఈ శబ్దం వాతావరణ ఒత్తిడి రూపంలో భారీ తరంగాలుగా భూమధ్య రేఖ మీదుగా ప్రయాణిస్తోందని తెలిపారు. ఈ తరంగాలలో కొన్ని తూర్పు నుంచి పడమరకు ప్రయాణిస్తుండగా, మరికొన్ని పడమర నుంచి తూర్పుకు ప్రయాణిస్తున్నాయి.


దీనికోసం దాదాపు 38 ఏళ్లుగా వాతావరణంలో సంభవిస్తున్న అనేక మార్పులను పరిగణలోకి తీసుకునట్లు శాస్త్రవేత్తలు తెలిపారు. ఇదిలా ఉంటే ఈ పరిశోధన భూ వాతావరణంపై మరింతగా దృష్టిపెట్టేలా చేసిందని, ప్రపంచానికి తెలియని ఎన్నో విషయాలు చుట్టూ ఉన్నాయని రుజువు చేసిందని శాస్త్రవేత్తలు వెల్లడించారు.

Updated Date - 2020-07-12T00:02:48+05:30 IST