Advertisement

కేంద్ర మంత్రి బాబుల్ సుప్రియోకు హనుమ విహారి షాక్

Jan 13 2021 @ 22:20PM

న్యూఢిల్లీ: కేంద్ర మంత్రి బాబుల్ సుప్రియోకు టీం ఇండియా క్రికెటర్ హనుమ విహారి షాకిచ్చాడు. మంత్రి సుప్రియో తనపై చేసిన ట్వీట్‌లో ఓ తప్పును విహారి గమనించాడు. ఆయన తన పేరును పొరబాటున ‘బిహారి’ అని రాయడాన్ని చూసి.. 'హనుమ విహారి' అని మంత్రికి రిప్లై ఇచ్చాడు. ప్రస్తుతం ఈ రిప్లై సోషల్ మీడియాలో హాట్ టాపిక్‌గా మారింది. విహారి రిప్లై అదిరిపోయిందని నెటిజన్లు మెచ్చుకుంటున్నారు.


ఆస్ట్రేలియాతో జరిగిన మూడో టెస్టులో హనుమ విహారి ఆటపై మంత్రి ఈ విధంగా కామెంట్స్ చేశారు. 7 పరుగులు చేసేందుకు 109 బంతులు ఆడడం నేరమని, టీం ఇండియా చారిత్రక గెలుపును హనుమ బిహారి చంపేయడమే కాదు, క్రికెట్‌ను హత్య చేశాడని కేంద్ర మంత్రి సుప్రియో సంచలన వ్యాఖ్యలు చేశారు. గెలుపు అవకాశాలను నిలబెట్టలేని అతను ఒక నేరస్థుడంటూ సంచలన కామెంట్స్ చేశారు. క్రికెట్ గురించి నాకు ఏమీ తెలియదని, ఆ విషయం తనకు కూడా తెలుసని అంటూనే బాబుల్ సుప్రియో.. విహారిపై వివాదాస్పద వ్యాఖ్యలు చేయడం చర్చనీయాంశంగా మారింది.

Follow Us on:
Advertisement
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.