Advertisement

విద్యార్థి దశ నుంచే సమాజంపై అవగాహన అవసరం

Mar 1 2021 @ 01:04AM
సదస్సులో మాట్లాడుతున్న బాబూరావునాయుడు


విశ్రాంత ఐఏఎస్‌ అధికారి బాబూరావునాయుడు

పాడేరు, ఫిబ్రవరి 28: సమాజంపై విద్యార్థి దశ నుంచే అవగాహన ఏర్పరచుకోవడం అవసరమని విశ్రాంత ఐఏఎస్‌ అధికారి డాక్టర్‌ తమర్భ బాబూరావునాయుడు అన్నారు. స్థానిక ప్రభుత్వ డిగ్రీ కళాశాలలో గిరిజన విద్యార్థి సంఘం ఆధ్వర్యంలో ఏర్పాటు చేసిన ఓ సదస్సులో ఆయన ముఖ్యఅతిథిగా పాల్గొని మాట్లాడారు. సమాజంలో పోకడలు, తాజా పరిణామాలు, భవిష్యత్తులో ఏమి జరుగుతుందనే అంశాలపై అవగాహన ఏర్పరచుకోవాలన్నారు. విద్యార్థి దశ నుంచి నాయకత్వ లక్షణాలు అలవాటు చేసుకుని నాయకులుగా ఎదగాలన్నారు. సమస్యలపై స్పందించడం, సంఘంగా ఏర్పడడం, సామాజిక బాధ్యతగా సమాజాభివృద్థి ఎలా తోడ్పడాలనే విషయాలను ఆయన వివరించారు. ఈ కార్యక్రమంలో ఆదివాసీ జేఏసీ జిల్లా కన్వీనర్‌ రామారావుదొర, న్యాయవాధి ప్రసాదరావునాయుడు, గిరిజన విద్యార్థి సంఘం నేతలు సుమన్‌, కిశోర్‌, మాధవరావు, డిగ్రీ విద్యార్థులు పాల్గొన్నారు. 


Follow Us on:
Advertisement
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.