అజరుద్దీన్‌కు బెదిరింపులు..!
ABN , First Publish Date - 2022-01-28T09:22:14+05:30 IST
క్రికెట్‌ అసోసియేషన్‌నుంచి సస్పెండైన కొందరు సభ్యులు తనను బెదిరిస్తున్నారని హెచ్‌సీఏ అధ్యక్షుడు అజరుద్దీన్‌ గురువారం బేగంపేట్‌ పోలీసులకు ఫిర్యాదు చేశాడు.
పోలీసులకు ఫిర్యాదు
హైదరాబాద్‌ (ఆంధ్రజ్యోతి): క్రికెట్‌ అసోసియేషన్‌నుంచి సస్పెండైన కొందరు సభ్యులు తనను బెదిరిస్తున్నారని హెచ్‌సీఏ అధ్యక్షుడు అజరుద్దీన్‌ గురువారం బేగంపేట్‌ పోలీసులకు ఫిర్యాదు చేశాడు. సస్పెండైన విజయానంద్‌, నరేష్‌ శర్మ జింఖానా గ్రౌండ్‌ లోని హెచ్‌సీఏ కార్యాలయ సిబ్బందిని సైతం ఇబ్బందులకు గురి చేస్తున్నారని ఆ ఫిర్యాదులో పేర్కొన్నాడు. ఈ విషయమై ఇన్‌స్పెక్టర్‌ శ్రీనివాసరావును వివరణ కోరగా ఫిర్యాదు అందిందని, న్యాయ సలహా తీసుకుని తగిన చర్యలు తీసుకుంటామని తెలిపారు.
