బేకింగ్‌సోడా - బెలూన్‌
ABN , First Publish Date - 2022-05-26T07:59:50+05:30 IST
వెనిగర్‌ను వాటర్‌ బాటిల్‌లో పోయాలి.
కావలసినవి
బెలూన్‌ ఒకటి, పావు కప్పు వెనిగర్‌, బేకింగ్‌ సోడా ఒక టీస్పూన్‌, ప్లాస్టిక్‌ వాటర్‌ బాటిల్‌, గరాటు, చెంచా.
ఇలా చేయాలి...
వెనిగర్‌ను వాటర్‌ బాటిల్‌లో పోయాలి.
బొమ్మలో చూపిన విధంగా గరాటు సహాయంతో బెలూన్‌లో బేకింగ్‌ సోడా వేయాలి.
ఇప్పుడు నెమ్మదిగా బెలూన్‌ను వాటర్‌ బాటిల్‌ పైభాగంలో తొడగాలి. తొడిగే సమయంలో బేకింగ్‌ సోడా బాటిల్‌లో పడకుండా చూసుకోవాలి.
తరువాత నెమ్మదిగా బేకింగ్‌ సోడా బాటిల్‌లో పడేలా లేపాలి.
అంతే... బెలూన్‌ గాలి ఊదినట్టుగా పెరగడాన్ని గమనిస్తారు. బేకింగ్‌సోడా వెనిగర్‌తో కలవడం వల్ల కార్బన్‌డయాక్సైడ్‌ ఉత్పత్తి అవుతుంది. ఆ గ్యాస్‌తో బెలూన్‌ నిండిపోతుంది.
