మార్చిలో... పదకొండు రోజులు బ్యాంకు సెలవులు.... మరో రెండు రోజులు సమ్మె...

న్యూఢిల్లీ : మార్చి నెలలో బ్యాంకులకు ఆరు రోజులు సాధారణ సెలవులతోపాటు మరో ఐదు రోజులు అదనంగా సెలవులు వస్తున్నాయి. వీటితోపాటు రెండు రోజులపాటు బ్యాంకు సిబ్బంది సమ్మెకు దిగే అవకాశముంది. వివరాలిలా ఉన్నాయి.

రిజర్వ్ బ్యాంకు నిబంధనల నేపధ్యంలో రాష్ట్రాలను బట్టి సెలవులుంటాయన్న విషయం తెలిసిందే.కాగా... మార్చి నెలలో దేశవ్యాప్తంగా బ్యాంకులు 11 రోజుల వరకు మూతపడనున్నాయి. ప్రతి నెలా సాధారణంగా నాలుగు ఆదివారాలు, రెండు శనివారాలు సెలవు దినాలుంటాయి. రిజర్వ్ బ్యాంక్ క్యాలెండర్ ప్రకారం మార్చి నెలలో వివిధ రాష్ట్రాల్లో ఐదు రోజులు సెలవు దినాలు ఉండనున్నాయి. ఈ సెలవులు రాష్ట్రాలను బట్టి మారుతాయి. మార్చి 5, 11, 22, 29, 30 తేదీల్లో బ్యాంకులకు సెలవులుంటాయని ఆర్‌బీఐ మార్గదర్శకాలు వెల్లడించాయి. మార్చి 11(గురువారం)న మహాశివరాత్రి, మార్చి 30(మంగళవారం)న హోలీ పండుగలు వస్తున్నాయి. దీంతో ఈ రెండు రోజుల్లో మనదగ్గర బ్యాంకులకు సెలవులు ప్రకటించనున్నారు.

ఇక మార్చి నెల మధ్యలో బ్యాంకు యూనియన్లు సమ్మెకు దిగే అవకాశాలు కనిపిస్తున్నాయి. కేంద్రం పలు బ్యాంకులను ప్రైవేటీకరించడానికి ప్రయత్నాలు చేస్తుండటంతో యూనియన్లు సమ్మె ద్వారా నిరసన చేపట్టాలని భావిస్తున్నాయి. మార్చి 15, 16 తేదీల్లో బ్యాంకు యూనియన్లు సమ్మె చేపట్టేందుకు సంబంధిత యూనియన్‌లు సిద్ధమవుతున్నాయి. 

మార్చి 2021 లో బ్యాంకు సెలవులు...

5 మార్చి : చాప్చెర్ కుట్,

7 మార్చి : ఆదివారం,

11 మార్చి : మహాశివరాత్రి,

13 మార్చి : రెండో శనివారం,

14 మార్చి : ఆదివారం,

22 మార్చి : బిహార్ డే,

27 మార్చి : నాలుగో శనివారం,

28 మార్చి : ఆదివారం,

29 మార్చి : ధులేటి/యావోసాంగ్ సెకండ్ డే,

30 మార్చి : హోలీ.