T20 World Cup:జస్ప్రీత్ బుమ్రా నిష్క్రమించలేదు...బీసీసీఐ అధ్యక్షుడు సౌరవ్ గంగూలీ తాజా ట్వీట్

న్యూఢిల్లీ:టీ20 ప్రపంచకప్‌కు( (T20 World Cup) ప్రీమియర్ ఇండియన్ పేసర్ జస్ప్రీత్ బుమ్రా అందుబాటులో ఉండటంపై బీసీసీఐ అధ్యక్షుడు గంగూలీ మౌనం వీడారు.జస్ప్రీత్ బుమ్రా టీ20 ప్రపంచకప్‌కు దూరమయ్యారనే వార్తలను బీసీసీఐ అధ్యక్షుడు సౌరవ్ గంగూలీ ఖండించారు. బ్యాక్ స్ట్రెస్ ఫ్రాక్చర్ తో  బుమ్రా టోర్నమెంట్‌కు దూరమవుతాడని గురువారం వార్తలు వెలువడ్డాయి. అయితే బుమ్రా ఇంకా ఆస్ట్రేలియాకు విమానం ఎక్కే లెక్కలోనే ఉన్నాడని గంగూలీ పేర్కొన్నారు. ‘‘బుమ్రా ఇంకా ప్రపంచకప్‌ నుంచి  నిష్క్ర్లమించలేదు. ఏమి జరుగుతుందో చూద్దాం’’ అని గంగూలీ తన ట్విట్టర్ ఖాతాలో పోస్ట్ చేసిన వీడియోలో వెల్లడించారు.

 ‘‘బుమ్రా ఆస్ట్రేలియాకు వెళతాడో లేదో మేం మూడు నాలుగు రోజుల్లో కనుగొంటాం. ఇంకా బుమ్రాని మినహాయించవద్దు’’ అని గంగూలీ చెప్పారు.భారత ఫాస్ట్ బౌలర్ బుమ్రా  2022 ఆసియా కప్‌ను కూడా కోల్పోవలసి వచ్చింది. ఈ నెల ప్రారంభంలో ఆస్ట్రేలియాతో జరిగిన భారత T20I సిరీస్‌కు తిరిగి వచ్చాడు. T20 ప్రపంచ కప్ కోసం బుమ్రా అద్భుతంగా కోలుకోవాలని భారతదేశంలోని క్రికెట్ అభిమానులు ఆశిస్తున్నారు.