డ్రెస్సింగ్ రూంలో రహానే స్పీచ్ అదుర్స్.. వీడియో విడుదల చేసిన బీసీసీఐ

ఇంటర్నెట్ డెస్క్: బోర్డర్ గవాస్కర్ ట్రోఫీలో టీమిండియా చారిత్రాత్మక విజయం సాధించిన తరవాత భారత ఆటగాళ్లంతా సంబరాలు చేసుకున్నారు. అనంతరం కోచ్ రవిశాస్త్రి డ్రెస్సింగ్ రూంలో ఆటగాల్లను పేరుపేరున ప్రశంసించారు. ఈ క్రమంలోనే జట్టు కెప్టెన్ ఆజింక్య రహానే కూడా స్ఫూర్తిదాయకమైన స్పీచ్ ఇచ్చాడు. ప్రస్తుతం ఈ స్పీచ్‌కు సంబంధించిన వీడియోను బీసీసీఐ సోషల్ మీడియాలో విడుదల చేసింది. ఈ వీడియోలో రహానే మాట్లాడుతూ, తొలి మ్యాచ్ ముగిసిన తరువాత మిగిలిన మూడు మ్యాచ్‌లలోనూ ఆటగాళ్లంతా ప్రాణం పెట్టి ఆడారని రహానే ఆభినందించాడు. ‘ఒక్కరు కాదు.. ఇద్దరు కాదు.. తొలి మ్యాచ్ తరువాత ప్రతి ఒక్క ఆటగాడూ జట్టు గెలుపులో కీలక పాత్ర పోషించాడు. అది చాలా గొప్ప విషయం’ అని అన్నాడు. అంతేకాకుండా టోర్నీలో ఒక్క మ్యాచ్ కూడా ఆడకపోయినా.. కుల్దీప్ యాదవ్ ఏమాత్రం నొచ్చుకోలేదని, అతడి వ్యక్తిత్వం గొప్పదని ప్రశంసించాడు.