ltrScrptTheme3

దీవించు

Oct 15 2021 @ 02:15AM

జన్మజన్మ సంచితాల

కర్మలను పారద్రోలే

జగజ్జననీ,

ఆసేతుహిమాచలం

నవనవోన్మేషయైన శోభలతో,

అభయహస్తముద్రతో

భక్తులననుగ్రహించే

శక్తిస్వరూపిణీ,

లోకాలను కాపాడే

నిత్యసంతోషిణీ,

హరితభూములను హరించే

పర్యావరణ ద్రోహులను 

దునుమాడి,

ప్రజాకంటకుల

కుత్తుకలను త్రిశూలంతో

తెగనరికి,

రాజకీయ రాబందులకు

మంచి బుద్ధి నొసంగి,

సంతసాలను దూరంచేసే

విషవైరస్సుల బారినుండి

మము కాచు తల్లీ!

మా ఆనందములు

ఎల్లప్పుడూ

మాతో నిలుచునట్లు

దీవించుమమ్మా!

వేమూరిశ్రీనివాస్

తాడేపల్లిగూడెం

Follow Us on:
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.