31న ఆకాశంలో అద్భుతం.. ఏం జరగబోతోందంటే...

ABN , First Publish Date - 2020-10-29T12:27:35+05:30 IST

ఈనెల 31న ఆకాశంలో అద్భుతం కనువిందు చేయనుంది. అక్టోబర్ 31న ప్రపంచ వ్యాప్తంగా హాలోవీన్ వేడుకలు జరగనున్నాయి.

31న ఆకాశంలో అద్భుతం.. ఏం జరగబోతోందంటే...

న్యూఢిల్లీ: ఈనెల 31న ఆకాశంలో అద్భుతం కనువిందు చేయనుంది. అక్టోబర్ 31న ప్రపంచ వ్యాప్తంగా హాలోవీన్ వేడుకలు జరగనున్నాయి. హాలోవీన్ వేడుకలు అంటే విచిత్ర వేషధారణల మధ్య చేసుకునే ఉత్సవం. ఇదే సమయంలో బ్లూ మూన్ ఏర్పడటం విశేషం. ఆ రోజు నిండుచంద్రుడు కనిపించనున్నాడు. 


ఇది ఈ అక్టోబరు నెలలో ఏర్పడే రెండో  పౌర్ణమి కావడంతో దీన్ని బ్లూ మూన్‌గా పిలుస్తారు. బ్లూ మూన్‌ను కొన్ని దేశాల్లో హంటర్ మూన్ అని కూడా పిలుస్తారు. చలికాలంలో రాత్రిపూట జంతువులను వేటాడటానికి వేటగాళ్లకు ఈ పౌర్ణమి సహకరిస్తుంది. అందుకే దీన్ని హంటర్ మూన్ అని అంటారు. బ్లూ మూన్ లేదా హంటర్ మూన్ అనేది సాధారణంగా ప్రతీ రెండు లేదా మూడు సంవత్సరాలకు ఒకసారి మాత్రమే ఏర్పడుతుంది. గతంలో 2018లో ఈ బ్లూ మూన్ ఏర్పడింది. ఈనెల 31న మనమంతా ఈ బ్లూ మూన్ వీక్షించవచ్చు. ఈ ఏడాది తరువాత బ్లూమూన్ తిరిగి 2039లో ఏర్పడనుంది. 

Updated Date - 2020-10-29T12:27:35+05:30 IST