సొంత అక్క తల నరికేసిన తమ్ముడు.. ఆ తలతో సెల్ఫీ తీసుకున్న తల్లి.. వారు ఇంత ఘోరానికి ఎందుకు పాల్పడ్డారంటే..

Dec 6 2021 @ 17:27PM

రక్తం పంచుకు పుట్టిందనే కనికరం లేకుండా కసాయిలా ప్రవర్తించాడు ఓ సోదరుడు.. కన్న కూతురు అనే మమకారం లేకుండా ఉన్మాదిలా ప్రవర్తించింది ఓ తల్లి.. తమకు ఇష్టం లేని పెళ్లి చేసుకుందనే కారణంతో తమ కుటుంబ సభ్యురాలినే వారు అత్యంత ఘోరంగా కడతేర్చారు.. పక్కా పథకం ప్రకారం ఆమెను అంత మొందించారు.. పోలీసులకు దొరికిపోయి కటకటాల పాలయ్యారు.. ఉత్తరప్రదేశ్‌లోని ఔరంగాబాద్‌లో ఈ ఘటన చోటు చేసుకుంది. 


ఔరంగాబాద్‌కు చెందిన 19 ఏళ్ల యువతి తన క్లాస్‌మేట్ అయిన యువకుడిని ఈ ఏడాది జూన్‌లో వివాహం చేసుకుంది. అప్పట్నుంచి తన భర్తతోనే కలిసి జీవనం సాగిస్తోంది. ఆమె తమ కుటుంబ పరువు తీసేసిందని భావించిన ఆమె తల్లి, 17 ఏళ్ల సోదరుడు ఆమెపై పగ పెంచుకున్నారు. పది రోజుల క్రితం కూతురిని కలిసేందుకు తల్లి ఆమె ఇంటికి వెళ్లింది. పది నిమిషాలు మాట్లాడి వచ్చేసింది. తాజాగా ఆదివారం తన కొడుకును తీసుకుని మళ్లీ కూతురి ఇంటికి వెళ్లింది. ఆ సమయంలో ఆమె భర్త కూడా ఇంట్లోనే ఉన్నాడు. ఆరోగ్యం బాగా లేకపోవడంతో బెడ్రూమ్‌లో పడుక్కున్నాడు.


తల్లి, సోదరుడితో మాట్లాడిన యువతి టీ పెట్టేందుకని కిచెన్‌లోకి వెళ్లింది. ఆమె వెంట వెళ్లిన సోదరుడు తనతో పాటు తెచ్చుకున్న కొడవలితో ఆమె తల నరికేశాడు. అనంతరం ఆ తలను తీసుకుని తల్లి వద్దకు వెళ్లాడు. ఇద్దరూ కలిసి ఆ తలతో సెల్ఫీ తీసుకున్నారు. ఆ యువతి భర్త ఫిర్యాదు మేరకు పోలీసులు ఇద్దరినీ అదుపులోకి తీసుకుని విచారిస్తున్నారు.  

Follow Us on:

ప్రత్యేకంమరిన్ని...

అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.