Viral news: ప్రేమన్నాడు.. పెళ్లి పేరుతో ఎంజాయ్ చేయాలనుకున్నాడు.. చివరికి కథ అడ్డం తిరడగడంతో.. 6 నెలల కూతుర్ని ఒళ్లో కూర్చోబెట్టుకుని..

ఇంటర్నెట్ డెస్క్: బంధువుల అమ్మాయిని చూసి ఆకర్షితుడయ్యాడు. చాలా మందిలాగే ప్రేమ, పెళ్లి పేరుతో ఎంజాయ్ చేయాలనుకున్నాడు. కానీ చివరకు కథ అడ్డం తిరిగింది. దీంతో చేసేదేమీ లేక ఆరు నెలల కూతురును ఒళ్లో కూర్చోబెట్టుకుని అతడు పెళ్లి చేసుకోవాల్సి వచ్చింది. దీంతో ఈ ఘటన స్థానికంగా చర్చనీయాంశం అయింది. ఈ నేపథ్యంలో ఈ వార్తకు సంబంధించిన పూర్తి వివరాల్లోకి వెళితే.. 

బిహార్‌(Bihar)లోని శేఖపూరా ప్రాంతానికి చెందిన జితేంద్ర కుమార్(Jitendra Kumar) అనే 25ఏళ్ల యువకుడు తన బంధువుల అమ్మాయి నీలూ కుమారి(Neelu Kumari)ని చూసి ఆకర్షితుడయ్యాడు. తర్వాత ప్రేమ(Love) పేరుతో ఆమె చుట్టూ తిరిగాడు. ఆమె కూడా అతడి ప్రేమను అంగీకరించడంతో ఎగిరి గంతేశాడు. చెట్టాపట్టాలేసుకుని ఇష్టం వచ్చినట్టు గడిపారు. ఈ క్రమంలోనే నీలూ కుమారి నెల తప్పింది. ఈ క్రమంలోనే పెళ్లి చేసుకుందామంటూ అతడిని అడిగింది. అయితే దానికి జితేంద్ర కుమార్ నిరాకరించాడు. దీంతో బంధువులు అతడిపై కేసు పెట్టారు. కొన్ని రోజులుగా జైలు జీవితం అనుభవిస్తున్న అతడు.. తాజాగా బెయిల్‌పై విడుదలయ్యాడు. ఈ క్రమంలోనే జితేంద్ర కారణంగా గర్భందాల్చి.. చిన్నారికి జన్మనిచ్చిన నీలూను పెళ్లి చేసుకోవాలని కుటుంబ సభ్యులు, బంధువులు పట్టబట్టారు. దీంతో చేసేదేమీ లేక అతడు పెళ్లికి ఒప్పుకున్నాడు. ఆరు నెలల కూతురును ఒళ్లో కూర్చోబెట్టుకుని నీలూ మెడలో తాళి కట్టాడు. ఈ ఘటన స్థానికంగా చర్చనీయాంశం అయింది.