పది మంది పిల్లల్ని కంటే పది లక్షలు!

Published: Fri, 19 Aug 2022 00:48:51 ISTfb-iconwhatsapp-icontwitter-icon
పది మంది పిల్లల్ని కంటే పది లక్షలు!

రష్యా మహిళలకు పుతిన్‌ బంపర్‌ ఆఫర్‌


న్యూఢిల్లీ, ఆగస్టు 18: కొవిడ్‌ మహమ్మారితోపాటు ఉక్రెయిన్‌తో యుద్ధం కారణంగా కొంతకాలంగా రష్యాలో జనాభా గణనీయంగా తగ్గుతోంది. దీంతో ఆందోళన చెందిన అధ్యక్షుడు వ్లాదిమిర్‌ పుతిన్‌.. జనాభా అభివృద్ధి కోసం కీలక నిర్ణయం తీసుకున్నారు. పది మంది అంతకంటే ఎక్కువ పిల్లల్ని కనే మహిళలకు 10 లక్షల రష్యన్‌ రూబుల్స్‌ (భారత కరెన్సీలో సుమారు రూ.13 లక్షలు) నజరానాగా ఇవ్వాలని నిర్ణయించారు.



పది మంది పిల్లల్ని కంటే పది లక్షలు!

ఈ మేరకు ‘మదర్‌ హీరోయిన్‌’ అనే పథకాన్ని ప్రకటించారు. 10 మంది లేదా అంతకంటే ఎక్కువ మందిని కనే మహిళలకు ఒకేసారి ఈ మొత్తాన్ని చెల్లిస్తారు. అయితే దీనికి ఓ మెలిక పెట్టారు. పదో బిడ్డ మొదటి పుట్టిన రోజు నాడు ఈ మొత్తం చెల్లిస్తారట. అప్పటికి మిగిలిన తొమ్మిది మంది పిల్లలూ బతికే ఉండాలని కూడా నిబంధన విధించారు. 

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.