సరికొత్త గాయకుడిని పరిచయం చేసిన ఆనంద్ మహీంద్రా
ABN , First Publish Date - 2021-12-29T22:48:53+05:30 IST
ప్రతి కళాకారుడూ మొదట ఓ ఔత్సాహికుడే- అని అమెరికన్ ఆధునిక
న్యూఢిల్లీ : ప్రతి కళాకారుడూ మొదట ఓ ఔత్సాహికుడే- అని అమెరికన్ ఆధునిక ఋషి ఎమర్సన్ చెప్పిన మాటను కోట్ చేస్తూ ప్రముఖ పారిశ్రామికవేత్త ఆనంద్ మహీంద్రా అస్సాంలోని ఓ మారుమూల ప్రాంతానికి చెందిన, మట్టిలో మాణిక్యం వంటి ఓ గాయకుడ్ని పరిచయం చేశారు. సోషల్ మీడియాలో ఎంతో యాక్టివ్ గా ఉండే ఆనంద్ మహీంద్రా తన ట్వీట్లో, మోటారు మెకానిక్గా పనిచేస్తూ అద్భుతంగా పాడుతున్న ఆ కళాకారుడి వీడియోని షేర్ చేశారు.
"వాహనాల్ని బాగుచేయడానికి ఇతనికి తన గ్యారేజ్ ఉపయోగపడి ఉండొచ్చు. కానీ, సహజమైన ఇతని గానకౌశలం ఆ గ్యారేజ్ని అతని ఆత్మగానానికి ఆలవాలంగా మార్చేసింది" అంటూ ట్వీట్ చేశారు మహీంద్ర.