పిల్లడి కోసం లీవ్ పెట్టిన యముడు.. కారు కింద జరిగిన అద్భుతం.. వైరల్ వీడియో!

Published: Wed, 20 Oct 2021 07:56:18 ISTfb-iconwhatsapp-icontwitter-icon
పిల్లడి కోసం లీవ్ పెట్టిన యముడు.. కారు కింద జరిగిన అద్భుతం.. వైరల్ వీడియో!

ఈ భూమిమీద నూకలు ఉన్నంతవరకూ మనిషి బతుకు ఎన్ని ఆటంకాలు ఎదురైనా ముందుకు సాగుతుందంటారు. కొందరి జీవితంలో ఇంకా నూకలు ఉన్నాయడానికి గుర్తుగా కొన్ని అద్భుతాలు జరుగుతుంటాయి. తాజాగా ఇటువంటి ఉదంతానికి సంబంధించిన ఒక వీడియో వైరల్‌గా మారి నెటిజన్లను ఆశ్చర్యపరుస్తోంది. ఈ వీడియోలో.. రోడ్డు పక్కన ఒక పిల్లాడు ఆడుకుంటుండగా, వాడిపై నుంచి కారు వెళ్లిపోతుంది. దీనిని చూసిన ఆ పిల్లాడి తండ్రి పెద్దగా అరుస్తూ అక్కడకు వస్తాడు. అయితే ఆ పిల్లాడు కారు కింద నుంచి క్షేమంగా బయటకు వచ్చి, తండ్రికి ఆశ్చర్యం కలిగిస్తాడు. 

ట్విట్టర్‌లో ఈ వీడియోను @67Ironkikin పేరుతో అకౌంట్ కలిగిన యూజర్ పోస్టు చేశారు. ఈ వీడియోను చూసిన వారంతా జరిగిన ఘటనను నమ్మలేకపోతున్నారు. ఈ వీడియో మొదట్లో.. ఒక పిల్లాడు ఆడుకోవడం కనిపిస్తుంది. ఇంతలో అక్కడున్న కారు డ్రైవర్.. డిక్కీలో ఏదో చూసుకుని, కారు ముందున్న ఆ పిల్లాడిని అతను గమనించకుండా కారు స్టార్ట్ చేసి, కారును పిల్లాడి మీదుగా పోనిస్తాడు. దీనిని గమనించిన ఆ పిల్లాడి తండ్రి పరుగుపరుగున అక్కడికి వస్తాడు. అయితే అప్పటికే కారు పిల్లాడిపై నుంచి వెళ్లిపోతుంది. సరిగ్గా అప్పుడే అద్భుతం జరిగింది. కారు వెళ్లిపోగానే పిల్లాడు దాని కింద నుంచి లేచి వస్తాడు. ఈ ప్రమాదంలో పిల్లాడికి చిన్న దెబ్బకూడా తగలకపోవడం విశేషం. ఈ వీడియోను చూసిన వారంతా ఇది భగవంతుడు చేసిన అద్భుతమని అంటున్నారు. ఇప్పటివరకూ ఈ వీడియోకు వేలకొద్దీ లైక్స్ వచ్చాయి. కొందరు నెటిజన్లు.. యముడు సెలవులో ఉన్నాడని.. అందుకే ఈ పిల్లాడు బతికిపోయాడని అటుండగా, ఈ పిల్లాడు అదృష్టానికి తాతలాంటివాడంటూ కామెంట్ చేస్తున్నారు. 

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.