ఈ నెలలో వాహన విక్రయాలు 70-80 శాతం డౌన్!
ABN , First Publish Date - 2021-05-09T06:26:25+05:30 IST
దేశీయ ఆటో రంగానికి మళ్లీ కష్టాలు పెరిగాయి. వాహన డీలర్లకు ఈ నెల అత్యంత గడ్డుకాలంగా పరిణమించేలా ఉంది. కరోనా రెండో దశ ఉధృతి, స్థానిక లాక్డౌన్ల కారణంగా దేశంలోని...
- రూ.25,000 కోట్ల ఆదాయ నష్టం: ఫాడా
దేశీయ ఆటో రంగానికి మళ్లీ కష్టాలు పెరిగాయి. వాహన డీలర్లకు ఈ నెల అత్యంత గడ్డుకాలంగా పరిణమించేలా ఉంది. కరోనా రెండో దశ ఉధృతి, స్థానిక లాక్డౌన్ల కారణంగా దేశంలోని మెజారిటీ షోరూమ్లు మూతపడ్డాయని వాహన డీలర్ల సంఘాల సమాఖ్య (ఫాడా) తెలిపింది. తెరిచి ఉన్న షోరూమ్లకూ కస్టమర్లు కరువయ్యారని అంటోంది. తత్ఫలితంగా ఈనెల వాహన విక్రయాలు 70-80 శాతం క్షీణించవచ్చని, డీలర్లు రూ.20,000-25,000 కోట్ల మేర ఆదాయం కోల్పోవాల్సి రావచ్చని అంచనా ఫాడా వేసింది. దేశవ్యాప్త లాక్డౌన్ కారణంగా గత ఏడాది ఏప్రిల్లో ఆటో రంగం ఒక్క వాహనాన్నీ విక్రయించలేకపోయింది.