తెలంగాణలో ధాన్యం సేకరణపై కేంద్రం కీలక నిర్ణయం

Published: Sat, 14 May 2022 12:32:32 ISTfb-iconwhatsapp-icontwitter-icon
తెలంగాణలో ధాన్యం సేకరణపై కేంద్రం కీలక నిర్ణయం

హైదరాబాద్ సిటీ : వరి ధాన్యం, ఉప్పు బియ్యం (Rice) కొనుగోలు విషయంలో తెలంగాణ వర్సెస్ కేంద్ర ప్రభుత్వాలుగా (Telangana Govt) పరిస్థితులు నెలకొన్న విషయం తెలిసిందే. అయితే తాజాగా.. ఈ విషయంలో కేంద్రం కీలక నిర్ణయం (Key Decision) తీసుకుంది. తెలంగాణ నుంచి మ‌రో 6.5 లక్షల మెట్రిక్ ట‌న్నుల ఫోర్టిఫైడ్‌ పారా బాయిల్డ్ బియ్యం సేక‌రించాల‌ని మోదీ సర్కార్ (Modi Sarkar) నిర్ణయించింది. ఈ మేరకు శనివారం నాడు ఓ ప్రకటన రూపంలో కేంద్ర ఆహార‌, ప్రజా పంపిణీ వ్యవ‌హారాల మంత్రిత్వ శాఖ‌ తెలిపింది. బియ్యం భార‌త ఆహార సంస్థ (FCI) కు ఇవ్వాల‌ని తెలంగాణ ప్రభుత్వానికి కేంద్రం స‌మాచారం పంపింది. రాష్ట్ర ప్రభుత్వ అభ్యర్థనను ప‌రిగ‌ణ‌న‌లోకి తీసుకునే ఈ అవ‌కాశం క‌ల్పించిన‌ట్లు కేంద్రం ఆ ప్రకటనలో పేర్కొన్నది.

తెలంగాణలో ధాన్యం సేకరణపై కేంద్రం కీలక నిర్ణయం

తెలంగాణలో 2020-21 రబీ సీజ‌న్‌లో సేక‌రించాల్సిన గ‌డువును రాష్ట్ర ప్రభుత్వం అభ్యర్థన మేరకు ఇటీవ‌ల‌ మే- 2022 వరకు ఏడోసారి పొడిగించిన‌ట్లు మంత్రిత్వ శాఖ‌ పేర్కొన్నది. జూన్- 2022 వరకు సేకరణ కాలం, సెప్టెంబర్- 2022 వరకు మిల్లింగ్ వ్యవధితో KMS 2021-22 (రబీ పంట)లో తెలంగాణలో 40.20 LMT బియ్యం సేకరణ అంచనాను కేంద్రం ఆమోదించింది. అంతేకాదు.. తెలంగాణతో సహా అన్ని రాష్ట్రాల్లో సేకరణ కార్యకలాపాలకు ఎప్పుడూ కేంద్ర ప్రభుత్వం మద్దతుగా నిలిస్తుంద‌ని ప్రక‌ట‌న‌లో కేంద్ర మంత్రిత్వశాఖ వెల్లడించింది.

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తెలంగాణ Latest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.