చాణక్యనీతి: అటువంటి వారి ముందు ఎంతటి శత్రువు కూడా నిలబడలేడు!

Published: Mon, 23 May 2022 06:28:37 ISTfb-iconwhatsapp-icontwitter-icon
చాణక్యనీతి: అటువంటి వారి ముందు ఎంతటి శత్రువు కూడా నిలబడలేడు!

ప్రతి మనిషి విజయం సాధించడానికి ప్రయత్నిస్తాడు. ఈ ప్రయత్నంలో అతనికి శత్రువులు కూడా  పెరుగుతారు. వారు అతనిని పడగొట్టడానికి తమ వంతు ప్రయత్నం చేస్తారు. దీనికి విరుగుడు చాణక్య నీతిలో కనిపిస్తుంది. మనిషి విజయం సాధించడానికి ప్రయత్నాలు చేయడంతో పాటు, శత్రువులను సమయానికి ఎలా ఓడించాలో నేర్చుకోవడం చాలా ముఖ్యం. ఆచార్య చాణక్యుడి ఈ సలహాను అనుసరించే వారు, ఎంతటి శక్తివంతమైన శత్రువును కూడా ఓడించగలుగుతారు. మీరు ఈ 4 విషయాలు గుర్తుంచుకుంటే మీరు ప్రతి శత్రువును ఓడించగలుగుతారు



ధైర్యాన్ని ఎప్పటికీ వదులుకోవద్దు 

ఎంత పెద్ద నష్టమైనా, సవాలు వచ్చినా ధైర్యాన్ని వదులుకోవద్దని ఆచార్య చాణక్యుడు చెప్పారు. మీ ఆలోచనను సానుకూలంగా ఉంచండి. ఇలా చేస్తే యుద్ధంలో కూడా పోరాడకుండానే సగం విజయం సాధిస్తారు. ఆ తర్వాత మీ గెలుపు ఖాయమవుతుంది.

శత్రువును బలహీనంగా పరిగణించవద్దు 

చాణక్య నీతి ప్రకారం శత్రువును బలహీనంగా భావించవద్దు. అతను మీ కంటే బలహీనుడైనప్పటికీ, అతని బలాన్ని  అంచనా వేయండి. లేకుంటే మీరు బలహీనమైన శత్రువు చేతిలో కూడా ఓడిపోతారు.

కోపంతో ప్రవర్తించవద్దు

ఎప్పుడూ తొందరపాటు, కోపం, అహంకారంతో నిర్ణయాలు తీసుకోవద్దు. అలాంటి నిర్ణయం హాని చేస్తుంది. ప్రతి అంశాన్ని కూల్ మైండ్‌తో ఆలోచించి, ఆపై చర్య తీసుకోండి.

సహనం కోల్పోవద్దు 

శక్తివంతమైన శత్రువు ముందు మీరు ఓటమిని ఎదుర్కొన్నప్పటికీ సహనం, సానుకూలతను వదులుకోవద్దు. పందెం ఎప్పుడు ఎలా తిరుగుతుందో ఏమీ చెప్పలేం. శత్రువు చేసే చిన్న పొరపాటు మిమ్మల్ని గెలుపు అంచున నిలబెడుతుంది. ఓపికతో సమయాన్ని సద్వినియోగం చేసుకోవాలని ఆచార్య చాణక్య తెలిపారు. 

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.