Chanakya Niti: పురుషులలోని ఈ 3 గుణాలను స్త్రీలు నిత్యం గమనిస్తుంటారు... తరువాతనే ఇష్టం పెంచుకుంటారు!

ఒక వ్యక్తి ప్రవర్తన, నడవడిక అతని వ్యక్తిత్వాన్ని ప్రతిబింబిస్తాయి. ప్రతి స్త్రీ తన జీవిత భాగస్వామి మంచి లక్షణాలు కలిగినవాడై ఉండాలని కోరుకుంటుంది. జీవితాంతం అలాంటి వ్యక్తితోనే ఉండాలని భావిస్తుంది. చాణక్యుడు తెలిపిన వివరాల ప్రకారం పురుషులలోని కొన్ని లక్షణాలు వారిని ఉత్తములుగా చేస్తాయి. చాణక్యుడి విధానాలలో పురుషునికి ఉండాల్సిన మూడు ఉత్తమ లక్షణాలు కనిపిస్తాయి. అవి మహిళలను అమితంగా ఆకట్టుకుంటాయి. అవేమిటో ఇప్పుడు తెలుసుకుందాం. 

నిజాయితీ

మానవ సంబంధాలలో నిజాయితీగా ఉండే వ్యక్తి అన్నిచోట్లా గౌరవానికి అర్హుడని చాణక్యుడు చెప్పాడు. స్త్రీల విషయంలో గౌరవభావం కలిగిన పురుషులు తమ భార్యను, స్నేహితురాలిని ఎప్పటికీ మోసం చేయలేరు. పురుషులలోని  నిజాయితీ స్త్రీలను అమితంగా ఆకర్షిస్తుంది. అలాంటి పురుషులు మానవ సంబంధాలను బలంగా ఉంచుకోవడానికి నిరంతరం ప్రయత్నాలు చేస్తారు. వారు ఎప్పుడూ అబద్ధాలను ఆశ్రయించరు.

ప్రవర్తన

పురుషులలోని సంస్కారం, మధురమైన మాటలు, సౌమ్యత తదితర గుణాలు స్త్రీలను అమితంగా ఆకట్టుకుంటాయి. ఈ లక్షణాలు పురుషులలో ఉంటే, అవి వారికి మరింత కీర్తినిస్తాయి. అలాంటి పురుషులు తమ మధురమైన వాక్కుతో చుట్టుపక్కలవారి హృదయాలను గెలుచుకుంటారు. పురుషులలోని ఇటువంటి గుణం మహిళలను అమితంగా ప్రభావితం చేస్తుంది. 

చక్కగా వినడం

ప్రతి స్త్రీ తన జీవిత భాగస్వామి తనకు నీడలా తనతో పాటు అనునిత్యం ఉండాలని కోరుకుంటుంది. పురుషులు తమ మాటలను వినాలని మహిళలు ఆశిస్తారు. పురుషులు క్షమాగుణం కలిగివుండాలని స్త్రీలు ఆశ పడతారు. అలాంటి పురుషులనే స్త్రీలు ఇష్టపడతారు.