కెమికల్ కంపెనీల ర్యాలీ

ABN , First Publish Date - 2021-07-27T00:06:06+05:30 IST

కెమికల్ కంపెనీల షేర్లు ఆల్‌టైం గరిష్టాన్ని తాకాయి. సోమవారం ఇంట్రా డే ట్రేడ్‌లో ఊహించని రీతిలో పుంజుకున్నాయి.

కెమికల్ కంపెనీల ర్యాలీ

ముంబై : కెమికల్ కంపెనీల షేర్లు ఆల్‌టైం గరిష్టాన్ని తాకాయి. సోమవారం ఇంట్రా డే ట్రేడ్‌లో ఊహించని రీతిలో పుంజుకున్నాయి. ఆల్కైల్ అమైన్స్ కెమికల్స్, గుజరాత్ ఫ్లోరో కెమికల్స్, బాలాజీ అమైన్స్, నవీన్ ఫ్లోరిన్ ఇంటర్నేషనల్ షేర్లు బీఎస్‌ఈలో రికార్డ్‌ను నమోదు చేశాయి. ఈ రోజు ఇంట్రా డే ట్రేడ్‌లో ఈ స్టాక్స్ 11 శాతం ర్యాలీ చేశాయి. ఈ నాలుగు స్టాక్‌లతో పాటు, గుజరాత్ ఆల్కలీస్ అండ్ కెమికల్స్, ఎన్‌ఓసీఐఎల్, గుజరాత్ హెవీ కెమికల్స్, సుదర్శన్ కెమికల్ ఇండస్ట్రీస్, దీపక్ నైట్రేట్, పిడిలైట్ ఇండస్ట్రీస్ కూడా బెంచ్‌మార్క్ ఇండెక్స్‌లో గత నెలలో 8 శాతానికి పైగా లాభం సాధించి మార్కెట్‌ను అధిగమించాయి. 


ఏప్రిల్-జూన్ త్రైమాసికంలో చాలా కంపెనీలకు డబుల్ డిజిట్ వాల్యూమ్ గ్రోత్‌ను విశ్లేషకులు భావిస్తున్నారు. వ్యక్తిగత స్టాక్స్‌లో ఆల్కైల్ అమైన్స్ కెమికల్స్ ఇంట్రా-డే ట్రేడ్‌లో 11 శాతం పెరిగి తరువాత కొత్తగా రూ. 4,490 ను తాకింది. అలిఫాటిక్ అమైన్స్‌కు డిమాండ్ పెరగడంతో కోవిడ్ -19 ప్రధాన లబ్ధిదారుల్లో ఈ సంస్థ ఒకటిగా నిలిచింది. పాండమిక్ తరువాత దాని ఉత్పత్తులకు అదిరిపోయే డిమాండ్ ఉంటుందని భావిస్తున్నారు. గుజరాత్ ఫ్లోరోకెమికల్స్ షేర్లు 9 శాతం పెరిగి రూ. 1,730 లకు చేరుకున్నాయి. గత నెలలో ఈ స్టాక్ 60 శాతం జూమ్ చేసిన విషయం తెలిసిందే. ఏప్రిల్-జూన్ త్రైమాసికంలో కంపెనీ ఏకీకృత నికర లాభం రూ. 110.26 కోట్లకు చేరుకుంది. అంతకు ముందు త్రైమాసికంలో ఇది రూ. 46.79 కోట్లుగా నమోదైంది. 

Updated Date - 2021-07-27T00:06:06+05:30 IST