నగరాన్ని కప్పేసిన మంచు
ABN , First Publish Date - 2021-01-22T12:46:55+05:30 IST
నగరంలో గురువారం దట్టమైన మంచు కమ్మేసింది. ఈశాన్య రుతుపనవాల ప్రభావంతో ఈ ఏడాది జనవరి నెలలో కూడా రాష్ట్రవ్యాప్తంగా భారీవర్షాలు కురిశాయి...
చెన్నై/పెరంబూర్ (ఆంధ్రజ్యోతి): నగరంలో గురువారం దట్టమైన మంచు కమ్మేసింది. ఈశాన్య రుతుపనవాల ప్రభావంతో ఈ ఏడాది జనవరి నెలలో కూడా రాష్ట్రవ్యాప్తంగా భారీవర్షాలు కురిశాయి. ఈ రుతుపవనాలు ఈనెల 19వ తేదీతో పూర్తవుతాయని, కానీ మంచు మాత్రం కురుస్తుందని చెన్నై వాతావరణ పరిశోధన కేంద్రం తెలిపింది. కొద్ది రోజులుగా రాష్ట్రవ్యాప్తంగా దట్టమైన మంచు కురుస్తుడడంతో చలి తీవ్రత అధికంగా వుంటోంది. కానీ, గురువారం సాధారణం కన్నా అధికంగా మంచు కురిసింది. దీంతో, ప్రధాన రోడ్లలో దట్టమైన మంచు కురవడంతో ముందు వెళ్లే వాహనాలు కూడా తెలియక వాహనచోదకులు ఇబ్బందులు పడ్డారు. మరో రెండు రోజులు ఇలాంటి వాతావరణమే నెలకొని ఉంటుందని వాతావరణ కేంద్రం తెలియజేసింది.