ఆలస్యంగా చిత్రం 1.1 ..?

May 11 2021 @ 14:24PM

బాలీవుడ్‌లో సినిమాటోగ్రాఫర్‌గా మంచి క్రేజ్ తెచ్చుకున్న తేజ 'చిత్రం' సినిమాతో టాలీవుడ్‌లో దర్శకుడిగా ఎంట్రీ ఇచ్చాడు. ఈ సినిమాతో 40 మందికి పైగా కొత్త వారిని ఇండస్ట్రీకి పరిచయం చేశాడు. చిత్రంతోనే ఉదయ్ కిరణ్, రీమా సేన్ ఇండస్ట్రీలో స్టార్స్‌గా ఒక వెలుగు వెలిగారు. ఇటీవల 'చిత్రం 1.1' టైటిల్‌తో సీక్వెల్ చేయబోతున్నట్టు ప్రకటించారు. ఈ సినిమాతో కూడా 50 మంది కొత్త వారిని పరిచయం చేయబోతున్నట్టు తెలిపిన తేజ త్వరలో సెట్స్ మీదకి తీసుకు రాబోతున్నట్టు  వెల్లడించారు. అయితే కరోనా సెకండ్ వేవ్ కారణంగా ఈ ప్రాజెక్ట్ సెట్స్ మీదకు రావడానికి ఇంకా సమయం పడుతుందని తాజా సమాచారం. ఇదే వార్త ప్రస్తుతం సోషల్ మీడియాలో వైరల్ అవుతోంది. ఇక గోపీచంద్ హీరో 'అలివేలుమంగ వెంకటరమణ', రానాతో మరో సినిమా చేయబోతున్నట్టు ఇంతక ముందు వెల్లడించాడు తేజ.

Follow Us on:
Advertisement
 
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.