Advertisement

శిఖపరువు మైనింగ్‌పై ఆందోళన

Nov 21 2020 @ 23:47PM
గనుల ప్రాంతంలో తవ్వకాలు వద్దని నినాదాలు చేస్తున్న గిరిజనులు (ఫైల్‌)

 మళ్లీ తెరపైకి వచ్చిన గనుల తవ్వకాల వివాదం

సాలూరు రూరల్‌, నవంబరు 21: ఏవోబీలో శిఖపరువు వద్ద మాంగనీసు తవ్వకాల వివాదం మళ్లీ తెరపైకి వచ్చింది. ఈ గనుల తవ్వకాలకు నాటి కాంగ్రెస్‌ ప్రభుత్వం 2012లో అనుమతులు మంజూరు చేసింది. గిరిజనుడి పేరుతో అనుమ తులిచ్చింది. ఈ తవ్వకాలను కొందరు పెద్దలు తెర వెనుక కథ నడిపిస్తున్నారని సీపీఎం, గిరిజనులు భగ్గుమంటున్నారు. గతంలో ఈ గనుల తవ్వకంపై రెండు సార్లు ప్రజాభిప్రాయ సేకరణ చేపట్టగా, గిరిజనులు వ్యతిరేకించారు. ఈ గనుల తవ్వకాలకు మళ్లీ కొందరు పెద్దలు పావులు కదపడంతో సీపీఎం ఆధ్వర్యంలో గిరిజనులు వ్యతిరేకిస్తున్నారు. గిరిజనులను ఒప్పించి గ్రామసభ ఆమోదానికి పావులు కదుపుతున్నారు. ఈ గనుల తవ్వకాలకు వ్యతిరేకంగా ఇప్పటికే సీపీఎం జిల్లా కార్యదర్శి రెడ్డి శ్రీరామ్మూర్తి పర్యటించి గిరిజనులకు అవగాహన కల్పించారు. పీసా చట్టం, 1/70 చట్టం, ఏపీ ఒడిశా వివాదం, అన్‌సర్వేయడ్‌ భూమిలో అనుమతులు ఎలా ఇస్తారని ప్రశ్నించారు.

అనుమతులు రద్దు చేయాలి

శిఖపరువు మైనింగ్‌ వల్ల గిరిజనుల జీవనానికి, 12 గిరిజన గ్రామాల అస్తిత్వానికి ముప్పు ఏర్పడుతుంది. ఈ అనుమతులను రద్దు చేయాలి.

- మర్రి శ్రీనివాసరావు,  శిఖపరువు మైనింగ్‌ వ్యతిరేక పోరాట కమిటీ కన్వీనర్‌ 

 

 

Follow Us on:
Advertisement
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.