ఆ నలుగురే ఆప్తులైన వేళ!

May 8 2021 @ 23:22PM
మృతదేహాన్ని అంత్యక్రియలకు తరలిస్తున్న ఉద్యోగులు

 మానవతను చాటుకున్న ప్రభుత్వ ఉద్యోగులు

 కరోనాతో మృతిచెందిన వృద్ధురాలికి అంత్యక్రియలు

ఆత్మకూరు/అనంతసాగరం, మే 8 :  కరోనా రక్కసి ముందు బంధాలు తెగిన వేళ.. నా అన్న వారే అంత్యక్రియలకు ముందుకు రాని సమయంలో ప్రభుత్వ ఉద్యోగులు మానవతను చాటుకున్నారు. కరోనాతో మృతిచెందిన వృద్ధురాలికి అంత్యక్రియలు నిర్వహించి ఆప్తుల య్యారు. ఈ హృదయ విదారకర ఘటన అనంతసాగరం మండలం కామిరెడ్డిపాడులో నెలకొంది. గ్రామానికి చెందిన మహిళ(60) కరోనాతో పోరాడుతూ శనివారం మృతిచెందింది. అయితే ఆమె అంతక్రియలు చేసేందుకు కుటుంబసభ్యులు, బంధువులు ముందుకురాలేదు. దీంతో తామున్నమంటూ వీఆర్‌వో జి.ఉదయభాస్కర్‌, పంచాయతీ కార్యదర్శి టి.రమణరావు, ఏఎన్‌ఎం నాగమణి, ఆశావర్కర్‌ వరలక్ష్మి మృతదేహాన్ని తరలించి అంతక్రియలు పూర్తిచేశారు. వారికి గ్రామస్థు లు, తోటి ఉద్యోగులు అభినందించారు. 

Follow Us on:
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.