కొవ్యాక్స్ ద్వారా పేద దేశాలకు 100 కోట్ల కరోనా టీకాలు
ABN , First Publish Date - 2022-01-17T02:23:34+05:30 IST
ఐక్యరాజ్య సమితి ఆధ్వర్యంలో జరుగుతున్న కొవాక్స్ వ్యవస్థ ద్వారా ఇప్పటివరకూ 144 పేద దేశాలకు 100 కోట్ల టీకా డోసులు అందాయని ప్రపంచ ఆరోగ్య సంస్థ తాజాగా వెల్లడించింది.
ఇంటర్నెట్ డెస్క్: ఐక్యరాజ్య సమితి ఆధ్వర్యంలో ఏర్పాటైన కొవాక్స్ వ్యవస్థ ద్వారా ఇప్పటివరకూ 144 పేద దేశాలకు 100 కోట్ల టీకా డోసులు అందాయని ప్రపంచ ఆరోగ్య సంస్థ తాజాగా వెల్లడించింది. అయితే..ఇంకా చేయాల్సింది ఎంతో ఉందన్న విషయాన్ని ఇది గుర్తుచేస్తోందని వ్యాఖ్యానించింది. ధనిక దేశాలు తమ కోసం టీకాలు పొగేసుకుంటున్న విషయాన్ని కూడా పేర్కొంది. కాగా 2020లో కొవ్యాక్స్ వ్యవస్థ ఏర్పాటు కాగా.. గతేడాది ఫిబ్రవరి నుంచి పేద దేశాలకు టీకాల సరఫరా ఆరంభమైంది.
