దావోస్... స్విట్జర్లాండ్... WEF

Published: Sun, 22 May 2022 17:46:00 ISTfb-iconwhatsapp-icontwitter-icon
 దావోస్... స్విట్జర్లాండ్... WEF

దావోస్ : వరల్డ్ ఎకనామిక్ ఫోరమ్(WEF) వార్షిక సమావేశం స్విట్జర్లాండ్ లోని దావోస్ లో ఈ రోజు(ఆదివారం) ప్రారంభమైంది.   గ్రాబుండెన్ లోని ఆల్పైన్ రిసార్ట్ మునిసిపల్ పట్టణం దావోస్‌లో ఈ సమావేశాలు జరగుతున్నాయి. స్విస్ కాన్ఫెడరేషన్ అధ్యక్షుడు దాక్టర్ ఇగ్నాజియో డానియెల్ గియోవన్నీ కాసిస్, ఈ సంవత్సరం ప్రారంభంలో బాధ్యతలు స్వీకరించిన విషయం తెలిసినందే. WEF వ్యవస్థాపకుడు క్లాస్ స్క్వాబ్‌తో కలిసి ఆయన WEF సదస్సును ప్రారంభించారు. కాగా... ఇప్పుడు జరుగుతోన్న WEF సదస్సును భిన్నమైనవిగా ఆర్ధివవేత్తలు పేర్కొంటున్నారు. ఇక వాతావరణం విషయానికొస్తే... వేదిక వెలుపల వీధిలో మాస్క్‌లు చాలా అరుదుగా ఉన్నాయి. ఈ ఏడాది జనవరిలో జరిగిన గత వార్షిక ఈవెంట్‌ల మాదిరిగా కాకుండా... ప్రస్తుతం దావోస్ లో చలికాలానికి ముందు ఈ సమావేశం జరుగుతోంది. జ్యూరిచ్ విమానాశ్రయం నుండి ప్రయాణం సందర్శకులకు ఆహ్లాదాన్ని కలిగిస్తుంది, పచ్చని పచ్చికభూములు, పువ్వులు, జలపాతాలు, సరస్సులు స్విట్జర్లాండ్ కు సహజ సౌందర్యాన్నిస్తుంటాయి. కాగా... వీధుల్లో మంచు లేకపోవడం విశేషం.  పొలాలు పచ్చగా, పచ్చగా ఉండడంతోపాటు దావోస్ చుట్టూ ఉన్న లోయలు ఈ సమయంలో మరింత ఆహ్లాదకరంగా రూపుదిద్దుకున్నాయి. దావోస్ మునిసిపాలిటీ దాదాపు 11 వేల కంటే తక్కువే కావడం గమనార్హం. రెండు ప్రక్కనే ఉన్న గ్రామాలతో ల్యాండ్‌వాస్సర్ నది లోయలో అన్ని కార్యకలాపాలకు కేంద్రంగా ఉంటుంది. చలికాలంలో, మంచు సహజంగా యాక్సెస్‌ను నియంత్రించడంలో సహాయపడుతుంది. ఇక... WEF పాల్గొనేవారి కోసం కొంత 'సహజ' భద్రత కూడా ఉంటుండడం విశేషం. తాజాగా జరుగుతున్న సదస్సు వేదికకు దారితీసే రహదారులపై కంచె వేయడానికి అగ్లీ స్టీల్ అడ్డంకులను ఏర్పాటు చేయడంతో పాటు భద్రతను మెరుగుపరచడానికి నిర్వాహకులు భారీగా వ్యయం చేయాల్సి వచ్చింది. ప్రస్తుతం దావోస్ లో... నేల చాలా మృదువుగా ఉన్నందున నేతలు... వేదికను చేరుకోవడానికి ఉపయోగించే హెలిప్యాడ్‌ను మార్చాల్సిన పరిస్థితి చోటుచేసుకుంది. ఇదిలా ఉంటే మిలియన్‌కు పైగా యాక్టివ్ కంపెనీలున్న భారత్ నుండి  దాదాపు ఐదు డజన్ల మంది వ్యాపార నాయకులు ఈ సదస్సులో పాల్గొంటున్నారు. ప్రభుత్వ ప్రతినిధి బృందానికి వాణిజ్య మంత్రి పీయూష్ గోయల్ నాయకత్వం వహిస్తున్నారు. ఇక... కేంద్ర పెట్రోలియం మంత్రి హర్దీప్ సింగ్ పూరి, ఆరోగ్య మంత్రి మన్సుఖ్లాల్ మాండవియా, పలు రాష్ట్రాల ముఖ్యమంత్రులు, అధికారులు ఈ సదస్సుకు హాజరయ్యారు. సదస్సులో పాల్గొంటున్న నేతలు, అధికారులు, వ్యాపారవేత్తలకు కోవిడ్ నేపథ్యంలో... పరీక్షలు నిర్వహించారు. కాగా... తాజా సమావేశానికి సంబంధించి... ప్రధాన అంశంగా ‘ఉక్రెయిన్’ కావడం విశేషం. ఉక్రెయిన్ అధ్యక్షుడు వోలోడిమిర్ జెలెన్స్కీ సదస్సునుద్దేశించి ప్రసంగించనున్నారు. 

TAGS: wef 2022
Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.