అన్ని రంగాల్లో గ్రామాల అభివృద్ధి
ABN , First Publish Date - 2022-09-29T06:06:57+05:30 IST
టీఆర్ఎస్ ప్రభుత్వ హయాంలో గ్రామాలు అన్ని రంగాల్లో అభివృద్ధి చెందుతున్నాయని నాఫ్స్కాబ్ చైర్మన్ కొండూరు రవీందర్రావు అన్నారు.
గంభీరావుపేట, సెప్టెంబరు 28: టీఆర్ఎస్ ప్రభుత్వ హయాంలో గ్రామాలు అన్ని రంగాల్లో అభివృద్ధి చెందుతున్నాయని నాఫ్స్కాబ్ చైర్మన్ కొండూరు రవీందర్రావు అన్నారు. గంభీరావుపేట మండలం గజసింగవరంలో బుధవారం మహిళలకు బతుకమ్మ చీరలను పంపిణీ చేశారు. ఈ సందర్భంగా రవీందర్రావు మాట్లాడుతూ కుల మతాలకు అతీతంగా పండగలకు దుస్తులను అందిస్తున్న ఘనత ఒక్క టీఆర్ఎస్కే దక్కిందన్నారు. దేశంలో ఏ రాష్ట్రంలోనూ లేని అభివృద్ధి తెలంగాణ రాష్ట్రంలో జరుగుతోందన్నారు. సంక్షేమ పథకాల అమలుతోపాటు గ్రామాల్లో సీసీ రోడ్లు, మురికి కాలువల నిర్మాణాలు, పలు కుల సంఘాలు, పాఠశాలలు, ఆస్పత్రుల భవనాల నిర్మాణం జరుగుతున్నాయన్నారు. సర్పంచ్ బాలరాజు, టీఆర్ఎస్ గ్రామ అధ్యక్షుడు మల్లయ్య, నాయకులు రాంరెడ్డి, అశోక్, లక్ష్మీనర్సు, మహిళా సంఘం అధ్యక్షురాలు నర్సవ్వ తదితరులు ఉన్నారు.