శామీర్పేట గ్రామ పంచాయతీకి జిల్లాస్థాయి ఉత్తమ అవార్డు
ABN , First Publish Date - 2022-08-17T05:51:49+05:30 IST
శామీర్పేట గ్రామ పంచాయతీకి జిల్లాస్థాయి ఉత్తమ అవార్డు
శామీర్పేట, ఆగస్టు 16 : శామీర్పేట గ్రామ పంచాయతీకి ఈసారి జిల్లా స్థాయిలో ఉత్తమ అవార్డు దక్కింది. సోమవారం మేడ్చల్ జిల్లా కలెక్టర్ కార్యాలయం వద్ద జరిగిన వజ్రోత్సవ స్వాతంత్య్ర వేడుకల్లో శామీర్పేట సర్పంచ్ బాలమణి, పంచాయతీ కార్యదర్శి శేషికుమార్లను అభినందిస్తూ మంత్రి మల్లారెడ్డి, జిల్లా కలెక్టర్ హరీ్షలు ఉత్తమ అవార్డును ప్రదానం చేశారు.
- ఉత్తమ సేవలందించిన ఆర్టీసీ ఉద్యోగికి..
శామీర్పేట మండలం హకీంపేట ఆర్టీసీ డిపోలో కార్గో మార్కెటింగ్ వింగ్లో పీసీసీ కౌంటర్ అసిస్టెంట్గా గోపు శ్రీనివాస్ ఉత్తమ సేవలందించగా ఉత్తమ సేవ అవార్డు అందుకున్నారు. ఈమేరకు హకీంపేట డిపోలో జరిగిన వజ్రోత్సవ స్వాతంత్య్ర వేడుకల్లో డిపో మేనేజర్ భవభూతి, అసిస్టెంట్ మేనేజర్ సునీతలు అతడిని అభినందించి ఘనంగా సన్మానించి అవార్డును ప్రధానం చేశారు.