మాస్ మహారాజ మీద మజిలీ హీరోయిన్ నమ్మకాలు..!

Apr 18 2021 @ 15:46PM

మాస్ మహారాజ రవితేజ క్రాక్ సినిమా తర్వాత ఫుల్ జోష్‌లో వరసగా సినిమాలు కమిటవుతున్నాడు. ప్రస్తుతం రవితేజ ఖిలాడి సినిమా షూటింగ్‌లో బిజీగా ఉన్నాడు. రమేష్ వర్మ దర్శకత్వం వహిస్తున్న ఈ సినిమాలో మీనాక్షీ చౌదరి, డింపుల్ హయాతి హీరోయిన్స్‌గా నటిస్తున్నారు. ఈ సినిమాను ఏ స్టూడియోస్‌, పెన్‌ స్టూడియోస్‌ పతాకాలపై జయంతి లాల్‌ గడ సమర్పణలో సత్యనారాయణ కోనేరు భారీ బడ్జెట్‌తో నిర్మిస్తున్నారు. రవితేజ డ్యూయల్ రోల్‌లో నటిస్తున్న ఈ సినిమాకి రాక్ స్టార్ దేవీశ్రీప్రసాద్ సంగీతం అందిస్తున్నాడు. అర్జున్, అనసూయ భరద్వాజ కీలక పాత్రల్లో నటిస్తుండగా మే 28న రిలీజ్‌కి సన్నాహాలు జరుగుతున్నాయి. కాగా రవితేజ రీసెంట్‌గా కొత్త సినిమాని మొదలు పెట్టాడు. 

 

శరత్‌ దర్శకత్వంలో తెరకెక్కబోతున్న ఈ సినిమాలో మజిలీ ఫేం దివ్యాంశ కౌశిక్‌ రవితేజకి జంటగా నటించబోతోంది. ఎస్‌.ఎల్‌.వి. సినిమాస్‌ సంస్థ నిర్మిస్తున్న ఈ సినిమా రెగ్యులర్ షూటింగ్ త్వరలో ప్రారంభం కాబోతోంది. అయితే హీరోయిన్ దివ్యాంశ కౌశిక్.. రవితేజ సినిమా మీద చాలా ఆశలే పెట్టుకుందట. మజిలీ సినిమా సూపర్ హిట్‌గా నిలిచినప్పటికి ఈ బ్యూటీకి మళ్ళీ వెంటనే అవకాశాలు రాలేదు. ప్రస్తుతం ఠక్కున ప్రేక్షకులకి ఈమె పేరు వింటే గుర్తురాని పరిస్థితి. ఇలాంటి సమయంలో రవితేజ సినిమాలో అవకాశం అంటే గొప్పే. చూడాలి మరి సినిమా తర్వాతైనా దివ్యాంశ కౌశిక్ టాలీవుడ్‌లో నిలదొక్కుకుంటుందా లేదా. 


Follow Us on:
Advertisement
 
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.