‘ఈ నాలుగు సంవత్సరాలు అద్భతంగా గడిచాయి. మరో నాలుగేళ్ల అధికారంలో ఉండటం కోసం మనం శ్రమిస్తున్నాం. ప్రయత్నాలు విఫలమైతే.. 4ఏళ్లలో మిమ్మల్ని చూస్తాను’ అని ప్రకటించారు. పదవి నుంచి తప్పుకున్న తర్వాత కూడా ట్రంప్ రాజకియాల్లో కొనసాగుతారనే విషయం ఈ వ్యాఖ్యలతో స్పష్టమైంది. కాగా.. అమెరికా అధ్యక్షుడిగా తన పదవి కాలం ముగిసిన తర్వాత ట్రంప్.. రాజకీయాల్లోంచి శాశ్వతంగా తప్పుకుంటారనే ఊహాగానాలు వ్యక్తమైన విషయం తెలిసిందే. ఇదిలా ఉంటే.. ఈ కార్యక్రమంలో చాలా మంది రిపబ్లికన్ పార్టీ నేషనల్ కమిటీ సభ్యులు పాల్గొన్నారు. అమెరికాలో కరోనా కేసులు రికార్డు స్థాయిలో నమోదవుతున్నా కార్యక్రమంలో పాల్గొన్న చాలా మంది సభ్యులు కనీసం మాస్కు కూడా ధరించలేదు. దీంతో వారి వైఖరిపట్ల వైద్య నిపుణులు ఆగ్రహం వ్యక్తం చేస్తున్నారు.