Advertisement

నోటి శుభ్రతతో కరోనా కట్టడి

Apr 23 2021 @ 04:27AM

నోరు అపరిశుభ్రంగా ఉంటే కొవిడ్‌ ముప్పు ఎక్కువ

డాక్టర్‌ వికాస్‌ గౌడ వెల్లడి


హైదరాబాద్‌, ఏప్రిల్‌ 22: సాధారణ నోటి సంరక్షణ చర్యలతో నోటి నుంచి ఊపిరితిత్తుల్లోకి కొవిడ్‌ వ్యాప్తి చెందకుండా అడ్డుకోవచ్చని పరిశోధకుల అధ్యయనంలో వెల్లడైందని డాక్టర్‌ గౌడ్‌ డెంటల్‌లో పరిశోధక బృందం చీఫ్‌ డాక్టర్‌ వికాస్‌ గౌడ్‌ తెలిపారు. ఎప్పటికపుడు నోటిని పరిశుభ్రంగా ఉంచుకుంటే కరోనా తీవ్రతను కట్టడి చేయవచ్చని గత ఎనిమిది నెలల్లో జరిగిన పరిశోధనలను పరిశీలిస్తే అర్థమవుతుందని ఆయన చెప్పారు. నోరు శుభ్రంగా లేకపోవడం, చిగుళ్లవాపు వంటివి కరోనా ముప్పును పెంచుతాయని ఆ పరిశోధనల్లో తేలిందని పేర్కొన్నారు.


కరోనా వైర్‌సను బలహీనపర్చడంలో మౌత్‌వా్‌ష వంటి ఉత్పత్తులు అత్యంత సమర్థంగా పనిచేసినట్లు ఆ పరిశోధనల్లో వెల్లడైందని ఆయన తెలిపారు. ఈ నేపథ్యంలో ప్రతిఒక్కరూ చిగుళ్ల వ్యాధులతో బాధపడేవారు సహా ఆరునెలలకోసారి డెంటిస్ట్‌ వద్ద పళ్లను శుభ్రం చేయించుకోవాలని, నోటి ఆరోగ్యాన్ని తనిఖీ చేయించుకోవాలని ఆయన సూచించారు. 70 నుంచి 90 శాతం కొవిడ్‌ ఇన్ఫెక్షన్లు నోటి ద్వారా సంభవించినవేనని ఆయన చెప్పారు.

Follow Us on:
Advertisement
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.