వెన్ను నొప్పితో ఆస్పత్రికి వెళ్లిన వ్యక్తి.. డాక్టర్ చేసిన నిర్వాకం తెలిసి అవాక్కైన కోర్టు.. చర్చనీయాంశమైన తీర్పు..

Published: Mon, 02 May 2022 10:06:00 ISTfb-iconwhatsapp-icontwitter-icon
వెన్ను నొప్పితో ఆస్పత్రికి వెళ్లిన వ్యక్తి.. డాక్టర్ చేసిన నిర్వాకం తెలిసి అవాక్కైన కోర్టు.. చర్చనీయాంశమైన తీర్పు..

ఎన్నారై డెస్క్: విపరీతమైన వెన్ను నొప్పికి తాలలేక ఓ వ్యక్తి స్థానికంగా ఉన్న ఆసుపత్రిని సందర్శించాడు. వైద్యుడి దగ్గరికెళ్లి తన బాధను వివరించాడు. ఈ క్రమంలో వైద్యుడు చేసిన పని వల్ల బాధితుడి నొప్పి తగ్గకపోగా మరింత ఎక్కువైంది. దీంతో అతడు మరో వైద్యుడిని సంప్రదించాడు. అప్పుడే అసలు విషయం తెలిసింది.. ఇంతకీ ఆ డాక్టర్ ఏం చేశారు..? కోర్టుకెళ్లాక ఏం తీర్పునిచ్చింది..? అనే ఇంట్రెస్టింగ్ విషయాలు ఈ ప్రత్యేక కథనంలో తెలుసుకుందాం..


ఆపరేషన్ చేశాడు కానీ..

దుబాయ్‌కి చెందిన ఓ వ్యక్తి గత కొద్ది రోజులుగా నడుము నొప్పితో బాధపడుతున్నాడు. ఇటీవల ఆ నొప్పి తీవ్రమైంది. ఇక చేసేదేమీ లేక అతడు దగ్గరలోని ప్రైవేటు ఆసుపత్రికి వెళ్లి వైద్యుడిని సంప్రదించాడు. దీంతో డాక్టర్  అతడికి శస్త్రచికిత్స చేయడంతోపాటు ఇంజక్షన్ థెరపీ చేశాడు. కానీ బాధితుడికి నొప్పి ఏ మాత్రం తగ్గకపోగా.. కాలం గడిచే కొద్ది సమస్య మరింత ఎక్కువైంది. ఈ నేపథ్యంలో మరోసారి వైద్యుడిని కలిశాడు. బాధితుడి ఆరోగ్య పరిస్థిని పరిశీలించి.. వైద్యుడు అతడికి మరోమారు ఆపరేషన్ చేశాడు. అయినా బాధితుడికి ఉపశమనం లభించలేదు. 


ఇదీ అసలు కథ..

ఇక ఈ డాక్టర్ దగ్గరికెళ్లడం వల్ల ప్రయోజనం ఏమీ లేదని.. ఆ బాధితుడు మరో వైద్యుడిని సంప్రదించి తన సమస్య వివరించాడు. ఈ క్రమంలో అతడికి వైద్య పరీక్షలు చేసిన వైద్యుడు.. సంచలన విషయాలు వెల్లడించాడు. చికిత్సలో భాగంగా మునుపటి వైద్యుడు తప్పుడు ఇంజక్షన్లు ఇచ్చినట్లు పేర్కొన్నాడు. దీంతో బాధితుడు అవాక్కయ్యాడు. వెంటనే ఆసుపత్రిపై, తనకు చికిత్స చేసిన డాక్టర్‌కు వ్యతిరేకంగా కోర్టును ఆశ్రయించాడు. ఈ కేసుపై విచారణ జరిపిన కోర్టు.. బాధితుడికి నష్టపరిహారంగా 8,00,000 దిన్హార్లు(సుమారు రూ.1.66కోట్లు) చెల్లించాలంటూ వైద్యుడిని, ఆసుపత్రిని ఆదేశించింది. ఈ తీర్పు దుబాయ్‌లో ప్రస్తుతం చర్చనీయాంశమైంది. చూశారుగా.. ఆయనకు సరైన చికిత్స చేసి వెన్ను నొప్పి తగ్గించాల్సిన ఆ డాక్టర్.. తెలిసీ తెలియక వైద్యం చేసి ఇలా అడ్డంగా బుక్కయ్యి.. కోర్టుతో చీవాట్లు పెట్టించుకొని.. భారీ మొత్తంలో ఇలా వదిలించుకోవాల్సి వచ్చింది.


Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తాజా వార్తలుLatest News in Teluguమరిన్ని...

ఓపెన్ హార్ట్Latest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.